Furnizonin lokalet e Tiranës me kokainë, arrestohen 4 persona
TIRANE - Katër persona janë vënë në pranga nga Policia e Tiranës gjatë një operacioni antidrogë të koduar "Avangarde". Kanë sekuestruar 217 gramë lëndë narkotike e llojit kokainë, e cila u gjet në një automjet. Operacioni u krye nga oficerët e Seksionit për Hetimin e Narkotikëve dhe ata të Forcës së Posaçme e Operacioneve Speciale dhe Kërkimit. Policia tha se gjatë këtij operacioni u godit një grup prej 4 personash, që merreshin me shitblerje të lëndës narkotike të llojit kokainë në zona të ndryshme të Tiranës. Gjithashtu u sekuestruan 217 gramë lëndë narkotike e dyshuar e llojit kokainë, 2 automjete, 4 aparate celularë dhe 1 peshore elektronike. Të arrestu- arit janë Gëzim Kovaçi, 46 vjeç, Flobenc Kurti, 30 vjeç, Artur Nikoçi, 23 vjeç dhe Muharrem Bakalli, 38 vjeç, banues në Tiranë. Mësohet se këta persona ishin në ndjekje nga shërbimet e Policisë, pasi për ta disponohej informa- cion se merreshin me shitblerje të lëndës narkotike të llojit kokainë në zona të ndryshme të kryeqytetit dhe në bazë të informacioneve të marra në rrugë operative, 4 shtetasit e lartpërmendur janë konstatuar nga shërbimet e Policisë duke u takuar së bashku në zonën e ish- Fushës së Aviacionit. Gjatë kontrollit të ushtruar në mjetin tip "Golf" me drejtues shtetasin Artur Nikoçi dhe pasagjer Flobenc Kurti, është gjetur një paketim i mbështjellë me natriban, brenda të cilit kishte lëndë narkotike e dyshuar e llojit kokainë, si dhe një peshore elektronike. "Janë sekuestruar në cilësinë e provës materiale lënda narkotike e dyshuar e llojit kokainë, e cila pas matjes në peshore elektronike rezultoi e peshës 217 gramë, automjeti tip ' Golf' dhe automjeti tip ' Mercedez Benz', 4 aparate celularë", tha dje zyrtarisht Policia e Tiranës.