Të dhënat personale, PD padit penalisht Ramën e dy ministre
“Shpërdoron detyrën , të dhënat personale të pacientëve e prindërve do përdoren në zgjedhje”
Partia Demokratike ka paditur në Prokurorinë e Përgjithshme për “shpërdorim detyre” Kryeministrin Edi Rama dhe ministret e Arsimit dhe Shëndetësisë, Lindita Nikolla dhe Ogerta Manastirliu.
Kryetarja e Komisionit të Medias dhe Arsimit në Kuvend, Albana Vokshi, dhe Nënkryetari i Komisionit të Shëndetësisë, Bardh Spahia, depozituan padinë ndaj Kryeministrit dhe dy ministreve të qeverisë lidhur me skandalin e marrjes së paligjshme të të dhënave personale të prindërve dhe pacientëve.
TË DHËNAT Demokratët janë të bindur se përmes këtij veprimi Kryeministri Rama synonte të merrte në dorë të dhënat personale të shqiptarëve për t’i përdorur ato. “Informacioni i kërkuar: emër, mbiemër, numri i kartës së identifikimit, adresa e e- mailit, sipas ligjit për mbrojtjen e të dhënave personale, konsiderohen të dhëna të mbrojtura me ligj. Ndaj edhe urdhri i Edi Ramës për të marrë këto të dhëna personale, të cilat përbëjnë më shumë se 70% të të gjithë qytetarëve të të gjithë Shqipërisë, është një shkelje ligjore dhe është një veprim antikushtetues. Neni 35 i Kushtetutës e përcakton qartë se këto të dhëna, të cilat bëjnë identifikimin e qytetarëve, konsiderohen të mbrojtura me Kushtetutë dhe me ligj”, deklaroi Vokshi. Deputetja demokrate e denoncoi edhe në media pak ditë më parë kërkesën e Ministrisë së Arsimit për të grumbulluar të dhënat personale të prindërve të nxënësve në shkolla, përfshirë edhe numrat e kartave të Albana Vokshi e Bardh Spahia identitetit. Sipas Vokshit, veprimi i Kryeministrit dhe dy vartëseve të tij hedh poshtë rekomandimet e OSBE/ ODIHR- it. “Duke grumbulluar të dhëna personale, Edi Rama hedh në kosh të plehrave edhe një prej rekomandimeve të OSBE/ ODIHR- it. Pasi OBSE/ ODIHR- i e ka bërë shumë të qartë që i duhet dhënë fund abuzimit me burimet shtetërore. Në këtë kontekst, Edi Rama ka përdorur administratën shtetërore dhe burimet shtetërore për të kryer një veprim të paligjshëm, sikurse është edhe marrja e të dhënave të qytetarëve sh- qiptarë. Nuk ka asgjë ndryshe nga vendimi i para ca kohësh i Edi Ramës për të marrë të gjitha IMEIT e numrave të telefonit për të bërë skanimin e të gjithë shqiptarëve”, theksoi deputetja e PD.
TËRHEQJA Pavarësisht se ministrja e Arsimit, Nikolla, dhe ajo e Shëndetësisë, Manastirliu, u tërhoqën nga kërkesat për të mbledhur të dhënat personale, demokratët kërkojnë që organi i akuzës t’i shkojë deri në fund kësaj çështjeje. Sipas Vokshit, tërheqja e ministreve vërteton akuzat e PD- së se akti i urdhëruar nga Kryeministri është i paligjshëm. “Është e shpjeguar qartë edhe në kallëzimin që ne kemi bërë, edhe deklaratat e dy ministreve, ministres Nikolla dhe Manastirliu, vërtetojnë qartë paligjshmërinë e aktit të tyre, pasi ministrja Nikolla u tërhoq me deklaratën e saj nga numri i kartës së identitetit dhe pavarësisht se Manastirliu nuk u tërhoq në deklaratën publike, por në informacionin tonë, dje janë marrë në telefon të gjitha qendrat dhe Drejtoritë Shëndetësore për të ndërprerë numrin e kartës së identitetit. Jo vetëm që është i paligjshëm, por është edhe mashtrim pub- lik, pasi për të komunikuar me prindërit siç pretendonte ministrja Nikolla, nuk ka nevojë për kartë identiteti dhe as për numër celulari apo adresë e- maili të të dy prindërve. Të gjitha të dhënat, edhe e- mailet që janë dërguar me urdhër dhe me porosi nga kabineti i Kryeministrit, na bëjnë të mendojmë që ideatori i gjithë kësaj skeme është Edi Rama. Ai po ushtron detyrën e tij si Kryeministër duke e shpërdoruar atë për të marrë të dhëna personale për të bërë identifikimin e zgjedhësve për çdo qendër votimi, për ta përdorur për arsye elektorale të Partisë Socialiste në të gjitha zgjedhjet e ardhshme. Ndaj edhe në kallëzimin penal ne kemi kërkuar jo vetëm fillimin e hetimeve për “shpërdorim detyre” dhe “përdorim të funksionit politik për arsye elektorale dhe zgjedhore”, por kemi kërkuar në të njëjtën kohë edhe pezullim të të gjithë funksionarëve të Kryeministrit dhe të dy ministreve për arsye se ato mund të prishin provat e hetimit”, sqaroi Vokshi.