MESAZHI I TRUMP

Shtetet e Bashkuara inauguruan ambasadën në Jerusalem të hënën, me një ceremoni të errësuar nga vrasja e 52 protestuesve palestinezë dhe plagosjes së më shumë se 2400 të tjerëve nga snajperistët izraelitë.

Më shumë se 35,000 protestues u mblodhën të hënën pranë gardhit “kufitar” në Gaza kundër hapjes së ambasadës amerikane në territorin e diskutuar të Jerusalemit, që në Palestinë shihet si kryeqyteti i shtetit palestinez. Ushtria izraelite tha se ka vrarë tre protestues, të cilët ishin përpjekur të vendosnin një bombë afër një gardhi sigurie në Rafah. Kjo ishte dita me numrin më të madh të viktimave që nga vera e vitit 2014, kur humbën jetën më shumë se 2,000 palestinezë në konfliktin mes shtetit hebre dhe Hamasit islamik që qeveris Gazën. Ministria palestineze e Shëndetësisë publikoi listën e 52 viktimave, nga 14 në 39 vjeç. Qeveria palestineze ka akuzuar qeverinë izraelite për masakër të tmerrshme dhe Organizata Ndërkombëtare e të Drejtave të Njeriut, “Amnesty International” e ka quajtur gjakderdhjen një shkelje e neveritshme e të drejtave të njeriut. DELEGACIONI I SHBA

Një delegacion nga Shtëpia e Bardhë, i dërguar nga Presidenti Donald Trump për hapjen e ambasadës amerikane në Jerusalem, përfshinte edhe të bijën e Presidentit, Ivanka Trump, dhe dhëndrin e tij, Jared Kushner, të dy këshilltarë në Shtëpinë e Bardhë, të ulur përkrah Kryeministrit izraelit Benjamin Netanjahu. Në delegacionin amerikan ishte edhe Ndërkohë që përleshjet vdekjeprurëse vazhdonin, në një video- fjalim të transmetuar gjatë hapjes së ambasadës Trump tha se: “Ne u shtrijmë dorën e miqësisë izraelitëve, palestinezëve dhe të gjithë fqinjëve të tyre”. Sipas Trump, hapja e ambasadës në Jerusalem duhej të kishte ndodhur shumë kohë më parë dhe se SHBA kishte dështuar të njihte atë që është e qartë prej shumë vitesh. Trump tha gjithashtu se shpresa e tij më e madhe është për paqe dhe se ai mbetet plotësisht i angazhuar për të lehtësuar një marrëveshje afatgjatë paqeje. sekretari amerikan i Thesarit, Steve Mnuchin, si dhe zv. sekretari amerikan i Shtetit, John Sullivan, i cili drejtonte delegacionin. Në ceremoninë e hapjes së ambasadës ishin rreth 800 të ftuar. Presidenti Trump ka përmbysur dekada të shumta të politikës së jashtme amerikane, kur ai njohu Jerusalemin si kryeqytet të Izraelit në dhjetorin e kaluar, duke mar- rë kritika të shumta ndërkombëtare. Hapja e ambasadës amerikane përkoi me 70- vjetorin e themelimit të Izraelit.

REAGIME Organizata e Bashkëpunimit Islamik e dënoi me forcë vendimin për të ardhur keq të SHBA- së për të vendosur ambasadën në Jerusalem, duke e konsideruar këtë lëvizje një vendim ilegal dhe një sulm ndaj të drejtës his- torike, ligjore, natyrale dhe kombëtare të popullit palestinez. OBI, me 57 anëtarë, tha se kjo lëvizje përfaqëson një përballje me sigurinë dhe paqen ndërkombëtare. Rusia reagoi të hënën se hapja e ambasadës do të rriste tensionet në Lindjen e Mesme, ndërsa Presidenti i Turqisë, Recep Tayyip Erdogan, paralajmëroi se SHBA ka humbur rolin e saj si ndërmjetëse në rajon dhe tani ishte më shumë si pjesë e problemit sesa pjesë e zgjidhjes. Kryediplomatja e BE- së i bëri thirrje Izraelit të respektojë principin e proporcionalitetit në përdorimin e forcës. Federica Mogherini tha se të gjithë duhet të tregohen sa më të përmbajtur për të evituar humbje të tjera jetësh dhe se Izraeli duhet të respektojë të drejtën për protesta paqësore. Ministria e Jashtme e Sirisë dënoi në mënyrën më të ashpër “masakrën brutale” të kryer nga Izraeli kundër palestinezëve në Gaza. Kuvajti ka kërkuar një takim urgjent të Këshillit të Sigurimit për dhunën në Gaza. Irani dënoi vrasjen e palestinezëve si dhe vendosjen e ambasadës amerikane në Gaza. Po ashtu, edhe Katari e dënoi masakrën ndaj palestinezëve në Gaza.