LISTA ME 1778 EMRA

Vendimet e ‘ 98, pronarët që përfitojnë kompensim

Agjencia e Pronave mbyll vlerësimin financiar për pronarët me vendime të vitit 1998. Emrat e përfituesve në të gjithë vendin dhe shuma e kompensimit

Agjencia e Trajtimit të Pronave ka përfunduar procesin e vlerësimit financiar të vendimeve përfundimtare të vitit 1998, të cilat kanë njohur të drejtën e kompensimit të subjekteve të shpronësuara për të gjithë territorin e Republikës së Shqipërisë.

Gazeta boton sot emrat e pronarëve, bashkë me vlerën e kompensimit të llogaritur nga Agjencia e Pronave. Në total janë 1778 ish- pronarë, të cilët kanë njohur të drejtën e kompensimit të subjekteve të shpronësuara. Subjektet, të cilat disponojnë një vendim përfundimtar të vitit 1998, të vlerësuar financiarisht dhe të publikuar, kanë të drejtë dhe mund të paraqiten të aplikojnë për kompensim pranë ATP- së, duke plotësuar dhe paraqitur dokumentacionin e kërkuar sipas kritereve të përcaktuara. Sipas ligjit, të gjitha subjektet e interesuara kanë të drejtë të ankohen kundër vlerësimit financiar të kryer nga ATP- ja për përcaktimin e vlerës së pronës në Gjykatën Administrative të Apelit brenda 30 ditëve nga dita e publikimit, vetëm për vlerën e kompensimit. Nga ana tjetër, sipas ATP- së, të gjitha subjektet, të cilat evidentojnë mangësi në dokumentacion dhe problematika në vlerësim në regjistrin e vendimeve, mund të plotësojnë dokumentacionin e nevojshëm për vlerësimin financiar të vendimit të kompensimit, brenda një afati prej 6 muajsh nga data e publikimit të regjistrit. Në rastet kur subjektet e interesuara nuk sjellin dokumentacion të nevojshëm për vlerësimin financiar të vendimit të kompensimit brenda afatit 6 mujor nga data e publikimit të regjistrit, si dhe në rastet kur ATP- ja është në pamundësi objektive për të vlerësuar pronën, bazuar në dokumentacionin që disponon, vendimi i kompensimit vlerësohet financiarisht sipas parashikimeve ligjore.