VENDIMET E 1998 Pronat, lista e ATP me emrat që kompensohen
Lista e dytë e ATP me vlerësimet e pronarëve me vendime të vitit 1998. Dokumentet që duhen për të marrë kompensimin dhe afat për ankimim in e vendimeve
Gazeta boton sot pjesën e dytë të pronarëve me vendime të vitit 1998, të cilëve Agjencia e Pronave u ka mbyllur vlerësimin financiar për tokat e zëna nga regjimi komunist.
Në tabela janë emrat e pronarëve që u janë sekuestruar toka para vitit 1990, të ndarë për çdo qytet, bashkë me vlerën e kompensimit që duhet të marrin. Bashkë me emrat, gazeta boton edhe listën e dokumenteve që duhet të plotësojnë pronarët për të aplikuar për kompensim. Sipas vendimit më të fundit të qeverisë, nëse kualifikohen si përfitues të kompensimit, pronarët do të marrin vetëm 20 për qind të shumës së kompensimit në para dhe 80 për qind do të kthehet fizikisht me pronat që zotëron aktualisht ATP. Shumica e këtyre pronave janë të ndara në fshatra të thella të qyteteve periferike të vendit.
Sipas ATP- së, subjektet të cilët disponojnë një vendim përfundimtar, të vlerësuar financiarisht dhe të publikuar, kanë të drejtë dhe mund të paraqiten të aplikojnë për kompensim pranë ATP- së, duke plotësuar dhe paraqitur dokumentacionin e kërkuar sipas kritereve të përcaktuara. Sipas ligjit, të gjitha subjektet e interesuara kanë të drejtë të ankohen kundër vlerësimit financiar të kryer nga ATP- ja për përcak- timin e vlerës së pronës në Gjykatën Administrative të Apelit brenda 30 ditëve nga dita e publikimit, vetëm për vlerën e kompensimit. Nga ana tjetër, sipas ATP- së, të gjitha subjektet, të cilat evidentojnë mangësi në dokumentacion dhe problematika në vlerësim në regjistrin e vendimeve, mund të plotësojnë dokumentacionin e nevojshëm për vlerësimin financiar të vendimit të kompensimit, brenda një afati prej 6 muajsh nga data e publikimit të regjistrit.
Në rastet kur subjektet e interesuara nuk sjellin dokumentacion të nevojshëm për vlerësimin financiar të ven- dimit të kompensimit brenda afatit 6- mujor nga data e publikimit të regjistrit, si dhe në rastet kur ATP- ja është në pamundësi objektive për të vlerësuar pronën, bazuar në dokumentacionin që disponon, vendimi i kompensimit vlerësohet financiarisht sipas parashikimeve ligjore.