Fqinji 63 vjeç përdhunon 18- vjeçaren, arrestohet

ELBASAN - Fqinji 63- vjeçar përdhunon 18- vjeçaren, ngjarja zbulohet kur vajza shkoi në muajin e katërt të shtatzënisë. Kanë qenë prindërit e 18- vjeçares që u kanë lindur dyshime nga barku i fryrë, gjë e cila bëri që vetë ajo t’u tregonte gjithçka. Pas kësaj prindërit bashkë me vajzën i janë drejtuar Policisë për të bërë denoncim, që më pas çoi në arrestimin e të akuzuarit, Murat Cangoja. Ngjarja e ka zanafillën në muajin janar të këtij viti, kur besohet se ai ka abuzuar seksualisht me vajzën me inicialet A. I., 18 vjeçe, banuese në Elbasan, duke e lënë shtatzënë. Vajza ka thënë përpara ekspertëve të hetimit se, 63- vjeçari Cangoja e kishte thërritur t’i shkonte në banesë me pretendimin se do t’i tregonte diçka dhe pas kësaj e ka futur në dhomë, duke mbyllur derën dhe më pas e ka përdhunuar. Vajza ka rrëfyer se ka hyrë e qetë në banesën e tij dhe nuk e ka menduar kurrë faktin se do të kryente një vep- rim të tillë me të. Siç ajo ka dëshmuar për hetimorët, ajo ka kundërshtuar madje dhe bërtitur në momentet kur e kishte kuptuar se ç’po ndodhte, por që nuk kishte mundur të bënte asgjë kundrejt forcës së tij. Në fund, 63- vjeçari e ka kërcënuar që të mos tregojë. Nga ana tjetër, i arrestuari Murat Cangoja, i cili i përket një tjetër komuniteti nga ajo i vajzës ( rom), gjatë marrjes në pyetje nuk ka pranuar asnjë akuzë, duke thënë se fqinja e tij gënjen. Ai mohon të ketë kryer marrëdhënie seksuale me fqinjën e tij dhe jo më ta ketë përdhunuar atë. Pas arrestimit të autorit, tashmë ndaj saj po kryhen të gjitha ekzaminimet ligjore për të zbardhur të plotë ngjarjen. Mësohet se vajza ka vendosur të kryejë abort pas kësaj. Çështja tashmë i ka kaluar Prokurorisë pranë Gjykatës së Shkallës së Parë Elbasan, për veprën penale “Marrëdhënie seksuale ose homoseksuale me dhunë me të mitur të moshës 14 deri në 18 vjeç”. m. s