DENONCIMI
Deputeti i PD- së, Enkelejd Alibeaj, njëkohësisht një nga denoncuesit e audio- përgjimit të vëllait të ministrit të Brendshëm, Fatmir Xhafaj, deklaroi se njësoj si në rastin Tahiri, Rama mbrojti ministrin e tij për të mos rrëzuar qeverinë.
Në një deklaratë për mediat pas qëndrimit publik të mbajtur nga Fatmir Xhafaj, deputeti i PD- së u shpreh se Xhafaj e ka paralajmëruar Ramën se nëse ai do të shkarkohej, qeveria do të binte. “Kushdo që ka parë sot Fatmir Xhafajn të bëjë viktimën e një komploti, i është kujtuar Saimir Tahiri që derdhte lot krokodili në të njëjtën natë që kërcënoi Edi Ramën se burgosja e tij ishte baras me rënien e qeverisë dhe Edi Ramën në burg! Fatmir Xhafaj ndoshta nuk ka një dosje aq të pasur sa të Saimir Tahirit për Edi Ramën, por ai njësoj si Tahiri, paralajmëroi Ramën se largimi i tij do të thotë rënie e qeverisë! Për të bërë këtë kërcënim për Ramën, ministri i Brendshëm akuzoi opozitën se po bashkëpunon me djallin për të rrëzuar qeverinë”, deklaroi Alibeaj. Deputeti i PD- së theksoi edhe njëherë se audiopërgjimi i publikuar është i vërtetë dhe për të kanë qenë në dijeni edhe vetë ministri Nënkryetari i Grupit Parlamentar të PD- së deklaroi se opozita nuk do të trembet nga presionet me burg nga maxhoranca. “Opozita është i vetmi autoritet në këtë vend që ka denoncuar lidhjet e qeverisë Rama me krimin! Ne as nuk jemi trembur dhe as nuk tërhiqemi nga sulmet e një bande kriminale qeverisëse që kërcënon me burg opozitën, por jo kriminelët dhe trafikantët e drogës”, tha deputeti. Xhafaj dhe Kryeministri Edi Rama. “Fatmir Xhafaj, njësoj si Edi Rama, e di se përgjimi është i vërtetë dhe se Agron Xhafaj ka vazhduar trafikun e drogës, veçanërisht gjatë kohës që i vëllai është ministër i Brendshëm. Kjo është arsyeja e vetme pse Agron Xhafaj u dërgua në Itali, pa ia nxjerrë më parë opinionit publik me zë dhe me figurë! Shqiptarët duan të dëgjojnë vetë zërin e Agron Xhafajt dhe jo të dëgjojnë prej Edi Ramës apo Fatmir Xhafajt rezultate ekspertize nga laboratorë apo agjenci të paidentifikuara! Fatmir Xhafaj nuk pati guximin të thotë asnjë fjalë ne deklaratën e tij për përgjegjësinë e tij direkte për moszbatimin e ligjit antimafia! Është gënjeshtër dhe mashtrim përgjigja e tij se nuk është subjekt i ligjit antimafia”, deklaroi Alibeaj.