Basha jep garanci për përgjimin: Autentik dhe i pamanipuluar
“Donika Prela u emërua te Krimet e Rënda ditën kur PD denoncoi skandalin ‘ Xhafaj’”
Kryetari i opozitës, Lulzim Basha, akuzoi Kryeministrin Rama se ka marrë në mbrojtje ministrin e tij të Brendshëm, Fatmir Xhafaj, pas audiopërgjimit të opozitës njësoj siç i doli në krah edhe Tahirit, Frrokut, Ndokës dhe Roshit.
Në një prononcim për mediat, Basha doli garant për autenticitetin e audio- përgjimit të publikuar nga PD. “Makineria e propagandës dhe e shpërqendrimit të opinionit publik është lëshuar e gjitha në një shfaqje të turpshme që përsëritet tash e 5 vjet për të mbrojtur kriminelin dhe skandalin e radhës së qeverisë. Është e njëjta shfaqje, që e kemi parë Edi Ramën duke bërë në mbrojtje të Saimir Tahirit dhe të bandës së tij të Habilajve. Është e njëjta shfaqje me të cilën mbrojti vrasësin Mark Frroku, trafikantin Arben Ndoka, përdhunuesin dhe trafikantin e drogës Elvis Roshi dhe çdo kriminel tjetër më të cilin ka të lidhur pushtetin. Sot ishte radha e Fatmir Xhafajt dhe vëllait të tij trafikant droge, i kapur në përgjime autentike ambientale, të pamanipuluara”, tha Basha.
PROKURORIA Sipas kreut të PD- së, Kryeministri ditën që PD pub- likoi dosjen për vëllain e ministrit Xhafaj urdhëroi shkarkimin e menjëhershëm të kreut të Krimeve të Rënda që do të hetonte këtë çështje. “Edi Rama sot mori rolin e ekspertit audio, të prokurorit dhe të gjyqtarit që do të burgosë opozitën, por jo të Kryeministrit që, më e pakta që duhet të bënte, ishte t’i kërkonte ministrit të tij të Brendshëm të mban- te përgjegjësi pse nuk ka zbatuar ligjin antimafia dhe ta largonte atë! Mbrojtja e Fatmir Xhafajt dhe jo shkarkimi i tij nga Edi Rama është një provë e re sesi krimi i organizuar drejton të gjithë segmentet e shtetit: Qeverinë, Policinë dhe Prokurorinë. Të gjithë e mbajnë mend se Donika Prela u emërua në krye të Prokurorisë së Krimeve të Rënda, ditën kur Partia Demokratike filloi denoncimin e skandalit ‘ Xhafaj’”, sqaroi Basha. Për kreun e PD- së, kërcënimi që Rama i bëri opozitës se do ta burgosë për publikimin e skandalit të Xhafajt është skandaloz. “Kërcënimi me burg i opozitës që denoncoi skandalin ‘ Xhafaj’ është skandaloz, tipik për udhëheqësit autokratë dhe të inkriminuar. Ne as nuk jemi trembur dhe as nuk tërhiqemi nga sulmet e një Kryeministri që kërcënon me burg opozitën, por jo kriminelët dhe trafikantët e drogës”, u shpreh Basha. INTEGRIMI Kreu i PD- së hodhi poshtë edhe pretendimet e Kryeministrit se opozita po bllokon integrimin. “Sa herë atij i plasin skandale dhe sa herë opozita i zbulon lidhjet e qeverisë së tij me krimin e organizuar, Edi Rama akuzon Partinë Demokratike si pengesë për integrimin europian! Është qesharake të mendosh që Macron, Merkel apo Kryeministri holandez dhe qindra politikanë të lartë francezë, gjermanë, holandezë, britanikë janë aq naivë sa i gënjen opozita shqiptare dhe nuk arrijnë të shikojnë realitetin. Fakt është se ata e dinë të vërtetën nga burimet e tyre dhe burime të tjera të pavarura”, tha Basha.