"Radio Çekia" nisi transmetimet në 1923- in
Pavel Novak punon prej 20 vitesh në "Radion Çekia", e cila është një nga radio- stacionet që ka nisur transmetimin që prej vitit 1923. Ajo është radioja e dytë më e vjetër në Europë, pas BBC në Mbretërinë e Bashkuar. Transmetimi i parë nisi më 18 maj 1923, në një lagje të Pragës. Emri i radios ka ndryshuar disa herë. Radioja u mor nën kontroll nga forcat sovjetike në gushtin e vitit 1968. Pavarësisht kësaj, ata vijuan transmetimin nga një vendndodhje tjetër. Radioja kombëtare "Radio Çekia" është financuar deri në vitin 2008 nga fondet publike. Në vitin 2013, kjo radio nisi transmetimet me logon e re që mban edhe sot. Ky ndryshim u bë me rastin e 90- vjetorit të ekzistencës së saj. Në këtë përvjetor, radioja organizoi një transmetim 48 orë pa ndërprerje, ku ishin të përfshira 90 intervista, që ndërthureshin me transmetimin e lajmeve çdo gjysmë ore. Ky transmetim maratonë është më i gjati në Çeki.