“Dëshmitari X” del me fytyrë dhe emër: Në audio- përgjim jam unë dhe Agron Xhafaj
PD PUBLIKON DESHMINE E RE. KUSH ESHTE ALBERT VELIU, I DENUAR NE ITALI PER TRAFIK DROGE. RAMA IRONIZON PD
Agroni më tha do vesh te Ermali, do të them unë. E lamë një takim, sipas thënieve. Bile atë ditë ka rënë, që do të bënim xhadenë, që unë s'u paraqita, se thashë të shikoj jetën time, të jetoj i pastër, si dikushi. Si vuajta unë dënim, të vuajnë dhe të tjerët. E bëra vënien në provë, se ashtu më la edhe ai mua në baltë, kur isha brenda, më ktheu kurrizin. Dhe unë tani që e vura në provë, i ktheva kurrizin e s'dua të merrem më me asnjëlloj gjëje” Frikë nuk kam, se nuk i kam borxh njeriu, s'i kam borxh. Ça borxhi i kam?! Le të jenë o, ça kanë në plan, le ta bëjnë. Unë di që jam njeri i drejtë dhe mua të më vijë shefi i Krimeve të më bëjë mbrojtje… Për çfarë të më bëjë mbrojtje mua ai, shefi i Krimeve? Të më thotë për çfarë do më bëjë mbrojtje?
Partia Demokratike vendosi të zbulojë identitetin e "Dëshmimtarit X", i cili u shfaq disa ditë më parë në audio- përgjimin me vëllain e ministrit të Brendshëm, Fatmir Xhafaj. PD publikoi një video rrëfim të 51 vjeçarit, Albert Veliu i cili dëshmoi se përgjimi i publikuar disa ditë më parë ishte i vërtetë, por jo i realizuar prej tij. Në rrëfimin e tij prej 16 minutash, Veliu deklaroi se ka bashkëpunuar me Agron Xhafën në vitet 2000- 2002 për të shpërndarë lëndë narkotike në Itali ku edhe ka vuajtur një dënim me 7 vite burg. "Dëshmimtari X" ka rrëfyer se bisedën për të transportuar 100 kg hashash drejt Italisë e ka zhvilluar disa muaj më parë me Agron Xhafën dhe përmes saj ka dashur të vërtetojë nëse ish- shoku i tij vijon ende të merret me lëndë narkotike. Veliu ka rrëfyer që pasi u publikua përgjimi, një zyrtar i Policisë i ka kërkuar djalit të tij që familja të merret në mbrojtje.
Si quhesh? RRËFIMI I PLOTË I ALBERT VELIUT Albert Sa vjeç Veliu. je? 51 Me vjeç. se jeton? Pa Çfarë punë, ke me bërë rrogën në jetë? e djalit.
Kam qenë në Itali, kam punuar. Kam punuar tërë jetën në det ' 93-' 99. Në 2000- shin u shkëputa në Itali punova bashkë me zotin… me grupin e Agron Xhafajt gjer në 2002- in. Çfarë pune? Punuam punën e kokainës, të gjitha gjërave. Shisnit kokainë? Çfarë bëje? Shisnim kokainë në Itali. Po në det çfarë pune ke bërë? Kam punuar shoqërues gomone, por kam hequr dorë në 2000- shin. Nëëëë… Pse hoqe dorë? Hoqa dorë se s'e përballoja dot më atë lloj pune. Shpëtova dy herë nga vdekja, do ishim të mbytur. Po Agronin si e njeh? E njoh që në ' 99- n që me anë të një mikut tim, me Ardin e Refatit që sot ndodhet brenda, në Brindisi, në Itali. Si e ke njohur, ku e ke njohur? Me anë të lidhjeve të punës në Itali. Agroni drejtonte punën atje, apo ishte pjesë e saj? Normale, komandonin punën. Qe një grup që komandonin punën, merrnin mallin dhe ne e shisnim. Po pastaj? Në 2005- n, më ndodhi aksident mua në punë dhe kreva një dënim prej 7 vjetësh. Me çfarë u kape? U kapa për… akuzohesha për kokainë, për 12 kile. Ti po i çoje me gomone? Jo, jo, u kapa në Peskara. Po?
Bëra dënimin, në Peskara, që më takonte. Në Shkallë të Parë mora 15 vjet, Apeli ma la 8 vjet, një vit mora ulje dhe bëra 7 vjet. Kurse nga Agroni që një qejfmbetje. Gjatë këtyre kohëve që ne punuam bashkë, kur rashë brenda, mua nuk më solli një paketë cigare, një copë letër si shok, për aq sa kishim bërë për njëri- tjetrin. Kur dal nga burgu, kthehem në Shqipëri, e takoj, më afroi gjoja një nder, një punë për djalin… kamarier. Kur, në çfarë viti? Në 2007- n, se në 2006- n… jo, në 2016- n për djalin më ka ofruar punë. Për djalin më ka ofruar punë në vitin 2016. Sa vjeç është djali?
Djali është 22 vjeç. Punoi kamarier nja 6 muaj, s'e përballoi dot ekonominë e shtëpisë. E hoqa. Para 6 muajsh, 5 muajsh, nuk e di saktë sa ka, 5 muaj, 6 muaj, që të flasim pastër, i kërkova të më bënte një nder. 4 muaj ka, tani më kujtohet. I kërkova të më bënte një nder për të hedhur barishte për Itali. Çfarë barishtesh se s'e kuptoj? Çfarë është kjo barishte? Hashash. Po. Çfarë do t'i bënit hashashit? Do ta çonim në Itali. I kërkova një favor, më prezantoi me këtë Ermalin. Ti ia kërkove vetë favorin që të…?
Ia kërkova se isha në gjendje të keqe ekonomike. Dhe e vura në provë sa korrekt qe për mua si Albert. Dhe mua më erdhi, që u bë gjithçka gati për t'u bërë rruga. Unë nuk e bëja këtë rrugë se kisha bërë nja 7 vjet dënim dhe dua të jem i pastër në këtë shtet. Po e vërtetova që… Po pse nuk e bëje këtë rrugë ti? A shkove ia kërkove ti këtë nder?
I kërkova këtë nder, por nuk e bëja atë rrugë se nuk dua ta vazhdoj më këtë lojë biznesi. Vetëm e vura në provë për ta zhveshur me një fjalë se cili është Agron Xhafaj. Pse vajte te Agroni? Po vajta se qemë me qejfmbetje, se kur unë rashë brenda në burg në Itali, ai mua nuk më solli një paketë, më ktheu kurrizin. Po tani ai bën një jetë normale, biznesmen. Është biznesmen, është mes të gjithave dhe komandon edhe Vlorën. Si e komandon Vlorën? Po në çdolloj drejtimi, me biznese, me dyqane, nga porti ta marrësh, në çdolloj drejtimi. Po pra, po ç'lidhje ka ai me hashashin? Po atë punë ka bërë tërë kohën, jo vetëm me mua, por mund ta ketë bërë edhe me shumë të tjerë, që mbase s'ua di dhe emrat
dhe më tha, s'mund bujrum të shprehem sille këtë çantë me emra, ta hedh po me matanë! mua më bëri favor, Kush Po unë të e tha njihja ty që atë. mund S'e njihja t'i drejtohesh sot, kisha Agronit? vite që Nga e njihja. u nise ti? Dhe ai nuk ka ndryshuar fare gjatë gjithë kësaj kohe? Tani në jetën e tij të brendshme unë nuk futem. Por mua m'u përgjigj, u tregua korrekt. Më tha, sille. Me kë të prezantoi? Me Ermalin, me këtë. Nuk e di ça është ai, shef kufiri. Nuk ia di as mbiemrin? Jo, jo, mbiemrin s'ia di. Se nuk mund të pyes për tjetrin për mbiemrin. Flasim gjëra të qëna tani. E takove Ermalin?
Po, jam ul në tavolinë. Edhe kemi folur dhe këto ça thuhen që janë fallco, të verifikohen, pastaj le të dalë emri im fallco. Mund të dalë edhe emri im fallco nesër. Çfarë të tha Ermali?
Agroni më tha do vesh te Ermali, do të them unë. E lamë një takim, sipas thënieve. Bile atë ditë ka rënë, që do të bënim xhadenë, që unë s'u paraqita, se thashë të shikoj jetën time, të jetoj i pastër, si dikushi. Si vuajta unë dënim, të vuajnë dhe të tjerët. Ti s'e more kurajën të ikje me skaf?
Jo, jo s'hipja unë në skaf më dhe nuk çoja më mall. Dua të jetoj me djersën e ballit e të ha një copë bukë. Të punoja aty në komunale që të haja një copë bukë. Me të tillë punë s'do të merrem më. Thjesht e vura në provë. Ku e dije ti që ai merrej me këtë punë tani? E dija, se kisha edhe unë informacionet e mia, nga miqtë e mi.
Ça të thoshin miqtë e tu? Që punën e bën, është njeri i saktë, është korrekt. Punon, çfarë pune?
Që të ndihmon të hedhësh mallin në Itali. Ka miqtë e tij që të ndihmojnë. Mua më dha një drejtim, një rrugë, që do vesh te filani… Ça miqsh?
Ermali. Qe dhe një skafist me nofkën Nake, që unë s'mund ta përmend prapë, se janë dhënë një herë ato, që kanë dalë fallco nga dikush, që është çik më lartë nga i vëllai i tij, që na qenka dhe ekspert fjale. Edhe unë prapë ia shpreh dhe ia them si të dojë, që unë nuk jam për ato lloj rrugësh. Por unë e vura në provë, që a është një njeri që vazhdon jetën e tija, edhe unë vazhdoj jetën time. Pse ia bërë ti këtë vënien në provë atij?
E bëra vënien në provë, se ashtu më la edhe ai mua në baltë, kur isha brenda, më ktheu kurrizin. Dhe unë tani që e vura në provë, i ktheva kurrizin e s'dua të merrem më me asnjëlloj gjëje. Dua të shikoj familjen time, fëmijët e mi. Pse kjo hakmarrje ndaj tij? Kështu janë gjërat, siç ia bën një njeriut, ashtu do pësosh. Sot është ai dikushi, unë jam pa bukë në shtëpi… Pse nuk iu drejtove dikujt tjetër, po iu drejtove atij? Po me atë më kishte lidhur jeta që në 2000- shin, në 2002- shin. Nga informacionet që ti kishe, kishte lidhje me Policinë e Vlorës?
Po, kishte me drejtorin e Vlorës, bëhej shumë, dilte shpesh. Kishte me këtë shefin e kufirit. Ça të them, punët e tyre. Ndoshta punonte edhe në shtet, unë s'di gjë. Për sa mall re dakord ti që të çosh? Unë do të çoja një 100- she, por gjallë në botë nuk e… Do çoja një 100- she. 100 kile? Po. Arrita të bëja 20. Që t'i blija me lekë borxh, edhe ato 20 kile po. Ti do e blije vetë mallin? Vetë, vetë do ta blija mallin, me lekë borxh. Çfarë do të ofronte ai ty, në momentin që ti do t'i blije këtë mall? Transportin, të gjitha. Si? Do të ofronin gomonen? Po normale, gomonen, se ata e kishin. Se unë s'kisha gomone, s'jam padrino, jam një hallexhi. Po nuk kishe frikë se mund të ndeshje Policinë rrugës?
Ishin të gjitha të zgjidhura, rrugët ishin të gjitha të hapura.
Çfarë të kishte thënë Ermali ty?
Jo, Ermali më thaaaa… Agroni më tha, kur të vijë dita, do të vesh ta takosh Ermalin. Nuk e di çfarë ka qenë ky, shef Kufiri a ça ka qenë, nuk e di.
Si e nise?
Atë ditë që ne u bëmë gati për të bërë rrugën, aty u bë qameti në Vlorë, pati përmbytje dhe deti ka qenë 7- 8 ballë. Mos të them më. Edhe u shpërndamë, tha është vështirë, kanë ndodh shumë probleme tha dhe s'mund të vazhdojmë më tej. Kështu që u shpërndamë secili në rrugë të vet.
U ndatë aty. Prandaj ti e bërë këtë?
Po unë nuk e hidhja atë mall, thjesht bëra një…
Pse vendose pastaj ta sjellësh te Partia Demokratike?
Unë e solla këtu, sepse këtu është institucioni më i besuar. Si ta çoja në Prokurori, si ta çoja kudo, janë gjëra që do ishin manipuluar, do të ishin zhdukur, nuk e di. Këtu e solla, sepse këtu kam besim që luftohet gjithçka me drejtësi. Nuk kishe frikë se mos bëheshe pjesë e një loje politike? Me politikë as s'jam marrë, as merrem kurrë.
Çfarë ka ndodhur këto ditë që doli përgjimi?
Mua, tani që doli përgjimi këto ditë, bile që ditën e parë, më thotë djali im "baba je bërë figurë e njohur në Vlorë". Isha me miqtë e mi, po pija një kafe, si çdo prind. Vete tek im bir, dëgjon videopërgjimet, i kishte thënë shoku i Agronit, i kishte thënë pronarit të djalit tim, brenda gjysmë ore që kishte dalë audio- përgjimi…
Çfarë i kishte thënë?
Shiko, se babai jot është bërë figurë e njohur në Vlorë. Vete shikoj ato, ça janë ato se s'marr vesh nga telefonat me gishta, ça janë këto "youtube", internet, që lexoj. Më tha mua, "zëri jot". Si ka mundësi zëri im? - i thashë unë.
Kush të tha që është zëri jot?
Pronari i djalit. Shiko se zëri jot, ia kishte thënë tjetri, shoku i ngushtë i imi dhe i Agronit, i kishte thënë që zëri i Babales. Dhe nuk qe zëri i Babales, qe zëri i Agronit që i erdhi informacioni direkt, që i bënin presion Babales. Dhe prapë sot që po flasim, i kishe vajtur djalit te puna shefi i Krimeve.
Si e ka emrin?
Alket. I thotë dua të takoj babanë tënd se dua ta kaloj në mbrojtje. Unë s'kam bërë gjë që të kaloj në mbrojtje. Unë jam një fukara, mua më pikon shpija. Ai mendon të më mbrojë mua. Mua më mbron Zoti. Dhe veten time e mbroj vetë, s'dua mbrojtje as nga ai dhe as nga shteti.
S'ke frikë ti?
Frikë nuk kam, se nuk i kam borxh njeriu, s'i kam borxh. Ça borxhi i kam?!
Ti thua që ata janë njësh me shtetin?
Le të jenë o, ça kanë në plan, le ta bëjnë. Unë di që jam njeri i drejtë dhe mua të më vijë shefi i Krimeve të më bëjë mbrojtje… Për çfarë të më bëjë mbrojtje mua ai, shefi i Krimeve? Të më thotë për çfarë do më bëjë mbrojtje? Kush e ka urdhëruar të më bëjë mua mbrojtje?
Po ndoshta ndihesh i kërcënuar?
Po nga kush? Ku doli ky emri im? Nuk është shpallur emri im. Nga e mësuan këta?! Po ndoshta Agroni e mban mend që je ti personi? Po mirë o, e shikon që ato thëniet që janë folur, që kanë qenë nëpër përgjim të Agronit a të dikujt tjetër, Agroni është vetë i vetëdijshëm.
Ke materiale të tjera ti për Agronin?
Materiale të tjera s'kam ça them unë për Agronin, se ai ka biznesin e tij, jetën e tij dhe mua s'më intereson jeta e tjetrit, mua më intereson…
Në këtë aventurën tënde që thua se e provove e bëre, ke bërë filmime të tjera?
Filmime të tjera, unë s'kam bërë filmime të tjera. Filmimet i ka bërë vetë Agroni, nuk i kam bërë unë dhe aty janë.
Si i ka bërë?
Po ku di gjë unë si i ka bërë, me dashje, pa dashje, i di Agroni, jo unë.
Po ti thua që Agroni ka përgjuar veten?
Po normale, ku di unë ça i është vënë Agronit dhe akuzon Andonin në anën tjetër. Ato të gjitha janë gjëra që janë fakte reale, si zëri që ne kemi folur. Gjithmonë e ha një fukara, nuk e ha një i pasur.
E njohin njerëzit zërin e Agronit?
800 metro larg.
Çfarë thonë në Vlorë?
Po zëri i atij thonë, zëri im, zëri i Ermalit dhe zëri i Altinit. Tani po ka ndonjë zë tjetër, pastaj mund të jetë edhe zëri i plakut tim në varreza. Nuk e di, mos është ngjall plaku im.
D. m. th., ti thua që, të paktën Vlora, qyteti i Vlorës që ju njeh, njerëzit që e njohin. janë shumë të bindur për vërtetësinë e zërit që është zëri i Agronit? Po, çoje ku të duash, ai zë është. Po ti vetë kur e kujtove bisedën, kur pe këto videopërgjimet e kujtove bisedën?
Po, normale. Kur unë e pashë te djali, te lokali, të gjitha këto foljet që u bënë, doli. Të gjitha thëniet që ne kemi bërë, thashë çne këto përgjime ne?! Domethënë, ti mendon që Agronin e kanë përgjuar të tjerët? Normale, unë s'kam lidhje.
Nuk e ke përgjuar ti?
Secili ka mbrojtjen e tij ore. Ai tijën, unë timen, po nga ka ardhur kjo, e gjen Agroni, këto përgjime. Këto janë gjërat që po të them unë.
Kërcënime nga njeri ke marrë këto kohë?
Po kërcënimi më i bukur që është bërë, t'i vesh djalit te puna, se duam të ruajmë babanë, çne ti, kush je ti që do më ruash mua? Ça kam bërë? Kush të ka urdhëruar ty, kush të ka dhënë urdhër të vesh tek im bir? Se dikush i madh i ka dhënë urdhër shefit të Krimeve në Vlorë, a Rendi ça është…
Po ai mund të ketë vajtur konform ligjeve, rregullave?
Po ku? Mua s'më ka ardhur konform ligjeve "arrest shtëpie", të vinte të më kontrollonte në shtëpi shteti. Çne emri im? Ku dihet që jam unë i infiltruar nga shoku Agron, a është infiltruar në përgjim? Ça lidhje ka emri im në këtë mes? Po a ke qenë ti që ke bërë atë bisedë me Agronin? Po, e kam bërë bisedë me Agronin, unë s'e mohoj. I kam bërë ato biseda, siç i kam bërë të gjitha reale, nuk kam ça të mohoj. Por po, është përgjuar zotëria, tjetër gjë, unë s'di gjë. Mirë, edhe ai është kujtuar dhe ka menduar se e ke përgjuar ti? Po unë s'jam, me se të përgjoj, unë jam një hallexhi. Ato i di ai, që merret me shteti.
Faleminderit!
S'ka asgjë vëllai im!