Çili: Këto 15 vite u themelua tregu i edukimit, koha për rilançimin e Reformës
“Rritja ekonomike shënoi trend pozitiv, papunësia është ulur”
Ulja e përdorimit të euros do të shoqërohet me zbatimin e planit të masave, që do të hyjnë në fuqi në 6- mujorin e dytë të vitit.
Guvernatori i Bankës së Shqipërisë, Gent Sejko, dje gjatë prezantimit të raportit vjetor të 2017- s, tha se plani i masave për euron nis zbatimin në 6- mujorin e dytë të vitit. “Shkalla e lartë e euroizimit ekspozon agjentët privatë dhe sistemin financiar ndaj luhatjeve të kursit të këmbimit, si dhe vështirëson përcjelljen e politikës monetare. Për këtë arsye, Banka e Shqipërisë, Ministria e Financave dhe Ekonomisë dhe Autoriteti i Mbikëqyrjes Financiare nënshkruan Memorandumin e Bashkëpunimit “Për zgjerimin e përdorimit të monedhës kombëtare në sistemin financiar dhe në ekonominë shqiptare”. Në këtë Memorandum, palët nënshkruese angazhohen të identifikojnë dhe ndërmarrin veprime konkrete në sferat e tyre të kompetencës. Brenda këtij kuadri, Banka e Shqipërisë identifikoi një paketë masash, të cilat, pas konsultimit me industrinë bankare, do të hyjnë në fuqi gradualisht gjatë gjysmës së dytë të vitit 2018", u shpreh Sejko. Guvernatori Sejko tha se për 2017- n ekonomia vijoi trendin e konsoliduar rritës. “Ekonomia dhe sistemi financiar shqiptar kanë shënuar progres gjatë vitit 2017. Trendi pozitiv i zhvillimit ilustrohet nga përshpejtimi i ritmit të rritjes ekonomike, nga rritja e punësimit dhe rënia e normës së papunësisë, si dhe nga përmirësimi i bilanceve financiare të sektorit publik dhe privat shqiptar. Ky progres e ka sjellë ekonominë e vendit tonë më afër nivelit të saj potencial, si dhe ka forcuar faktorët afatshkurtër e afatmesëm, të cilët mbështesin rritjen ekonomike”, vlerë- soi Sejko. Guvernatori u shpreh se rritja e inflacionit në 2017 është tregues i përmirësimit të ekonomisë. “Inflacioni erdhi në rritje gjatë vitit 2017, duke shënuar një nivel mesatar prej 2.0%, nga 1.3% një vit më parë. Rritja e inflacionit pasqyroi përmirësimin e aktivitetit ekonomik dhe forcimin e presioneve të brendshme inflacioniste. Megjithatë, ky tregues vijon të mbetet nën objektiv, në reflektim të pranisë së kapaciteteve të pashfrytëzuara në ekonomi, të nivelit të ulët të inflacionit në vendet partnere, si dhe të fortësisë së kursit të këmbimit”, u shpreh Sejko.