Falsifikimi i vizave, grupi trafikoi mbi 700 persona
U ndaluan 200 vetë me pasaporta false, pritet riatdhesimi
Të paktën 700 persona, shtetas shqiptarë dhe të huaj, dyshohet se janë trafikuar në SHBA, Kanada e Britaninë e Madhe nga grupi i falsifikatorëve, që u godit disa ditë më parë nga Policia e Shtetit.
Burime nga Policia thanë se këta persona kanë paguar secili deri në 25 mijë euro, për t’u pajisur fillimisht me pasaporta false greke ose italiane e më pas me viza. Nga ana tjetër, burimet thanë se rreth 200 persona janë ndaluar në vende të ndryshme të BE- së me dokumente të falsifikuara dhe pritet riatdhesimi i tyre. Ata janë ndaluar në kohën që prisnin të udhëtonin transit drejt SHBA- së, Kanadasë apo Mbretërisë së Bashkuar. Gjatë operacionit të koduar “272”, Policia, SHÇBA dhe Prokuro- ria e Krimeve të Rënda arrestuan 17 persona dhe sekuestruan 11 laboratorë ku prodhoheshin dokumentet false, 7 prej të cilëve në Greqi dhe 4 në Shqipëri. Njëri prej këtyre laboratorëve ndodhej shumë pranë Prokurorisë së Përgjithshme dhe përdorej si studio nga një të arrestuarit e këtij operacioni. Policia gjeti aty makineri dhe dokumente që ishin dorëzuar nga persona të ndryshëm, në pritje të pajisjes me pasaporta. Nga ana tjetër, janë rreth 1 mijë dokumente që janë sekuestruar në total gjatë operacionit.
OPERACIONI Operacioni i Policisë, SHÇBA dhe Prokurorisë së Krimeve të Rënda për goditjen e rrjetit të falsifikatorëve të vizave u finalizua me 17 të arrestuar. Mes të arrestuarve janë edhe dy punonjës të Policisë së Tiranës, Entela Çala, 43
PERSONA
janë arrestuar në kuadër të procedimit penal për falsifikimin e vizave, që në nisje të hetimeve para një viti e gjysmë, shtetas me kombësi shqiptare, greke dhe të kombësive të tjera vjeçe dhe Arian Uku, 39 vjeç. Ndërsa një person tjetër është shpallur në kërkim. Policia tha se gjatë këtij operacioni janë zbuluar edhe 11 laboratorë të prodhimit të dokumenteve false, 7 prej të cilëve në Greqi dhe 4 në Shqipëri. Operacioni për goditjen e këtij grupi të strukturuar kriminal, u kodua me numrin “272”, ashtu sikurse procedimi penal që kishte nisur në nëntor të vitit 2016 nga An- tikrimi Ekonomik dhe Prokuroria e Krimeve të Rënda. “Gjatë këtij operacioni, të kryer në bashkëpunim edhe me agjencitë ligjzbatuese të vendeve partnere, janë arrestuar 41 shtetas shqiptarë, grekë dhe kombësive të tjera, mes tyre 2 punonjës policie, si dhe 1 shtetas është shpallur në kërkim”, tha gjatë një konference për shtyp, drejtori i përgjithshëm i Policisë, Ardi Veliu.