Projekti antikanabis, gjatë një muaji u kryen 42 orë fluturime
Në Akademinë e Sigurisë u mbajt takimi i dytë, i drejtuar nga ekipi i projektit “SANCAS”, në kuadër të planit kombëtar kundër kultivimit të kanabisit. Në takim morën pjesë zv. ministrja e Brendshme, përfaqësues nga Policia e Shtetit, Prokuroria e Përgjithshme dhe delegacioni i BE- së në Shqipëri. U bë prezantimi i raportit të ecurisë së projektit deri tani dhe agjenda e veprimtarive të parashikuara në vijim, deri në Shtator 2018. Zv. ministrja Rovena Voda tha se ky është një nga projektet më të rëndësishme që mbështet veprimtarinë e Policisë së Shtetit në luftën kundër krimit të organizuar, me fokus kryesisht kultivimin dhe trafikimin e kanabisit. Nga ana tjetër, zv. drejtoresha e përgjithshme e Policisë, Aida Hajnaj, bëri një përmbledhje të agjendës së këtij projekti dhe renditi komponentët kryesorë ku ai mbështetet. “Në komponentin e parë, edhe këtë vit Guardia di Finanza ka ndarë me shërbimet dhe bashkëpunimin ndërkombëtar policor, planin operativ të monitorimit nga ajri për vitin 2018, që është nga 5 prill- 15 maj 2018, do të kryhen 42 fluturime nga projekti ‘ SANCAS’. 16 shtator- 31 tetor 2018 do të kryhen 43 orë fluturimi. Pala italiane do të financojë rreth 100 orë fluturime, të cilat do të zhvillohen nga data 16 maj- 15 shtator 2018", u
ORE
fluturime në kuadër të projektit antikanabis “SANCAS” do të financohen nga pala italiane. Deri tani janë realizuar 42 fluturime, ndërsa në fazën e dytë që i përket periudhës 16 maj– 15 shtator do të kryhen edhe 43 orë të tjera shpreh Hajnaj. Ndërsa dy komponentët e tjerë të këtij projekti, ajo tha se janë vlerësimi i nevojave në lidhje me zgjerimin e përdorimit të Komisariatit Dixhital dhe ngritjen e Laboratorit Hulumtues; Si dhe puna e ekipit për informimin e palëve të interesuara ku përfshihet Policia e Shtetit, Prokuroria si dhe shtetet anëtare të BE- së, kryesisht nëpërmjet oficerëve tanë të kontaktit, për të krijuar, financuar hetime të përbashkëta, lidhur me hetimin e trafikimit dhe kultivimit të kanabisit që është aq shumë e rëndësishme për parandalimin dhe goditjen e këtij fenomeni. Shefi i Operacioneve nga Delegacioni i BEsë në Shqipëri, Stephen Stork, u shpreh se po prodhohen rezultatet e para dhe në 2017- n për herë të parë në dhjetëra vjeçarë u pa një ulje drastike në kultivimin jashtë të kanabisit.