Platini: Trukuam Botërorin e 1998- ës

Gjithmonë ka pasur dyshime mbi shortet e organizuara për Ligën e Kampioneve apo për kampionatet botërore. Dhe për ta konfirmuar këtë vjen një deklaratë shokuese nga ish- presidenti i UEFA- s, Mishel Platini. Ai thotë se organizatorët e Botërorit "Francë 1998" bënë të pamundurën që të shmangnin një përballje mes Francës organizatore dhe Brazilit në fazat e mëparshme, pasi ajo ishte një ndeshje që të gjithë e prisnin në finale. Dhe pikërisht kështu ndodhi. "FrancëBrazil ishte një finale që të gjithë e ëndërronin në Botërorin e vitit 1998. Kur organizuam kalendarin dhe grupet bëmë një hile të vogël", thotë ai. E thënë ndryshe, grupe të përcaktuara në mënyrë që të shmangej sfida Francë- Brazil. Brazili ishte pjesë e grupit A, ndërsa Franca ishte pjesë e grupit C. Në këtë mënyrë nuk do të luanin me njëra- tjetrën. Gjithçka që u realizua në perfeksion sepse pikërisht Franca dhe Brazili luajtën Kupën e Botës më 12 korrik në vitin 1998 në "Saint Denis" finalen e madhe, e cila u fitua nga Zidan me shokë 3- 0 kundër Brazilit të Ronaldos. Por kjo është një tjetër histori ose e thënë ndryshe: një tjetër çështje.

Ish- presidenti i UEFA- s, në atë kohë ishte numri një i komitetit organizator të Botërorit dhe e ka treguar diçka të tillë në emocionin "France Bleu". "Nëse ne dhe Brazili do të dilnim të parët në grupet respektive nuk kishte shanse që të takoheshim më përpara finales. Ne patëm vështirësi 6 vite për të përgatitur një Botëror. Pse ju mendoni se të tjerët nuk e bëjnë të njëjtën gjë kur kanë organizuar apo do të organizojnë një kupë bote?", thotë Platini duke qeshur. Një buzëqeshje që "ngrin" shumë të tjera, sidomos ata që janë organizatorët e këtij kompeticioni të rëndësishëm në botë. Tani dyshimet janë legjitime dhe polemikat që do të hapen janë botërore... Për më tepër, një deklaratë e tillë vjen pak kohë përpara fillimit të kampionatit botëror "Rusi 2018".

Ndihma -