Tre zyrtarët e PD në Prokurori, dëshmi për vëllain e Xhafajt
Salianji: Do shihni të tjera, bashkëpunëtori apo “zari” i Agron Xhafajt flet për drogën
Deputetët e Partisë Demokratike, Enkelejd Alibeaj, Ervin Salianji dhe këshilltari ligjor i PD, Gazmend Bardhi, kanë dëshmuar dje në Prokurorinë e Krimeve të Rënda, lidhur me audio- përgjimin e publikuar nga selia blu, në të cilin dyshohet se flet për trafik droge, Agron Xhafaj, vëllai i ministrit të Brendshëm.
Dje, deputetët nuk kanë treguar se për çfarë janë pyetur në Prokurori, pasi ato konsiderohen si sekret hetimor, por nuk kanë kursyer akuzat për Xhafajn dhe lidhjet e tij me krimin. Deputeti Alibeaj tha dje se: “Ky vend ka nevojë më shumë se kurrë për revoltën e Spaçit. Djem, burra, gjetën frymëzimin për t’i rënë diktaturës. Duhet të vinin dhe të dëshmonin të tjerë persona. Unë deputeti Enkelejd Alibeaj kam të drejtë të kërkoj thirrje dëshmitarësh, bërje aktesh, si një mundësi që procesi penal të mos merret peng nga Rama dhe Xhafaj. Nëse ka marrë përsipër kokat e Prokurorisë, procesin penal nuk do mund ta marrë, nuk mund të merren peng shqiptarët”.
PROVAT Pas daljes nga Prokuroria, Ervin Salianji tha dje se Partia Demokratike disponon përgjime të tjera, në të cilat trafikanti i me emrin “Ermali” është bashkëpunëtor i Agron Xhafajt, vëllait të ministrit të Brendshëm. “Ka një deklarim nga gazetari Jetmir Olldashi, i cili më solli pjesën e audio- përgjimit. Jo vetëm pjesën e parë të audiopërgjimit, që u publikua nga PD, por edhe pjesën tjetër ku duket qartazi se persona të lidhur me krimin dhe me Fat- mir dhe Agron Xhafajn bëjnë trafik droge në mes të ditës”, tha Salianji. Do ti shihni… bëhet fjalë në përgjimin që unë kam parë dhe disponohet nga PD, që u disponua nga gazetari Olldashi. Aty shihet zëri i gazetarit Jetmir Olldashi, bashkëpunëtorit X, Albert Veliu dhe trafikantit tjetër, i cili është bashkëpunëtor, apo ‘ zar’ i Agron Xhafajt ku flitet qartazi; “me 10 kg mos më hajde, unë flas për 100 e sipër”. Nuk kam besim te Prokuroria, pasi ajo është në dispozicion të qeverisë. Por ne nuk mund t’i shmangemi detyrimit ligjor për të shkuar aty”, tha dje Salianji
HETIMI Nga ana tjetër, ish- ministri i Drejtësisë, Gazmend Bardhi, kërkoi që Prokuroria të fusë hetimet në drejtimin e duhur dhe se ai bashkë me Salianjin ka deklaruar për gjithçka që janë pyetur nga Prokuroria mbi faktet e bëra publike. Ai u shpreh se Prokuroria duhet të kishte sekuestruar ekspertizën, pasi kjo ndihmon hetimet. “Shqetësimi im është që Prokuroria e Krimeve të Rënda që ka për detyrë të luftojë krimin e organizuar dhe trafikun e drogës dhe shtetasi i dyshuar si i përfshirë në trafik droge, që është vëllai i ministrit të Brendshëm, nuk është marrë ai i pari në pyetje, por jemi marrë ne që denoncojmë rastin. Nuk është marrë në pyetje ministri i Brendshëm, që i lehtëson veprimtarinë kriminale vëllait, por jemi marrë ne që e denoncojmë rastin”, u shpreh Bardhi.