Ristrukturohet FSDKSH, pushohen 36 punonjës
“Largimet janë bërë në mënyrë selektive e pa transparencë”
Në kuadër të “ristrukturimit të vendeve të punës”, Fondi i Sigurimit të Detyrueshëm të Kujdesit Shëndetësor ka larguar nga puna 36 punonjës të strukturave, që monitorojnë rrjetin spitalor. Gjithçka ka nisur përpara më shumë se një jave, më 14 maj, kur një pjesë e mirë e drejtorisë përkatëse janë njoftuar për t’u paraqitur brenda 3 ditëve te FSDKSH- ja përpara një komisioni të posaçëm për të zhvilluar bisedime lidhur me vijimin e marrëdhënieve të punës. 36 punonjësit kanë zbatuar urdhrin duke u paraqitur në drejtori nga ku u është komunikuar befas ristrukturimi i vendeve të punës të secilit prej tyre. Të larguarit pretendojnë se largimi i tyre jo vetëm është i paqartë, por edhe selektiv. “Pretendojmë që ky proces është jotransparent. Dua të më vihen në dispozicion vendimet, pasi unë s’kam asnjë lloj dijenie mbi strukturën dhe personat që duhet të rrinë. Drejtoresha thotë se nuk ka asnjë dijeni mbi vendimet në fjalë. Nëse do kishte filluar një procedurë ristrukturimi procesi për largim nga puna, duhej të kishte nisur për të gjithë. Ne kemi qenë 20 të parët që kur është hapur ky institucion. Në këto 3 vjet ata e kanë fryrë duke hapur sektorë të rinj”, thotë njëra prej të pushuarave. Pasi nuk kanë marrë asnjë sqarim në drejtori, ata e shohin zgjidhjen në rrugë gjyqësore. “Nuk kemi në dorë asnjë strukturë, asnjë rregullore apo vendim të Këshillit Administrativ për miratimin e këtyre akteve. De facto, por dhe de juro ne tashmë e kemi marrë rrugën për në Gjykatë, por të paktën të na vënë në dispozicion dokumentacionin që ne të mbrojmë të drejtat tona përpara drejtësisë”. Sipas tyre, ristrukturimi është veçse arsyetimi për të larguar ata e për t’i zëvendësuar me të tjerë. Madje, ata pretendojnë se diçka e tillë është bërë tashmë. Ata kanë informacione se me datë 16.05.2018, në fshehtësi të plotë, FSDKSH- ja ka emëruar 18 persona.
Nga ana tjetër, fondi e mbështet rishikimin e strukturës në një vendim të Këshillit Administrativ që daton më 25 shtator të 2017- ës