Lu e Vlahutin përfundojnë mandatin, kush e zëvendëson
Në gusht largohet dhe Vlahutin, zëvendësohet nga italiani Soreca
Ambasadori amerikan në Tiranë, Donald Lu, do të vijojë karrierën e tij diplomatike në Republikën e Kirgistanit.
Pasi mori një shtyrje të mandatit të tij nga Departamenti Amerikan i Shtetit për 6 muaj, për shkak të ndjekjes nga afër të reformës në drejtësi dhe veçanërisht të procesit të vetingut, Lu do të largohet nga Shqipëria në muajin korrik. Në faqen e internetit të Shtëpisë së Bardhë sqarohet se, të enjten iu dërgua Senatit lista me 7 caktime dhe një tërheqje në nivel diplomatësh dhe njeriu që drejtoi misionin diplomatik të Shteteve të Bashkuara në Tiranë do të mbajë postin e Ambasadorit të Jashtëzakonshëm e të Gjithëpushtetshëm të Amerikës në Republikën e Kirgistanit. Ende nuk është bërë publik emri i ambasadorit të ri amerikan, që do të zëvendësojë Donald Lu- në në Tiranë. Mandati i ambasadorit Lu mbaronte në janar të 2018- s, por për shkak se reforma në drejtësi ende nuk kishte dhënën efektet e para të saj, si ambasadori më i përfshirë në këtë reformë, DASH e la Donald Lu- në që të vijonte punën e tij edhe për 6 muaj. Gjatë këtyre 6 muajve, në mënyrë të përsëritur, ka pritur kapjen e peshqve të mëdhenj dhe pse si të tillë ka për- mendur zyrtarë të shkarkuar por dhe trafikantë në kërkim. Vetë ambasadori Lu e ka vlerësuar shumë misionin e tij diplomatik në Shqipëri gjatë këtyre tre viteve. “Ka qenë një nder i madh për mua dhe familjen time që kemi qenë këtu në Shqipëri në këto dy vite e gjysmë. E kemi shijuar aq shumë mikpritjen shqiptare sa kam kërkuar të qën- droj edhe më gjatë në këtë vend të bukur. Kam në plan të largohem nga Shqipëria në verën e vitit 2018. Deri atëherë, kemi shumë më tepër për të bërë së bashku”, është shprehur Lu në janar të këtij viti. Por në gusht të këtij viti do të largohet nga Shqipëria edhe ambasadorja e prezencës së BE- së në Tiranë, Romana Vlahutin. Mandati i ambasa- dores së BE- së, Romana Vlahutin, zyrtarisht mbaron në gusht të vitit 2018. Kroatja Vlahutin u emërua kryetare e Delegacionit të BE- së në Tiranë në vitin 2014, pas përfundimit të mandatit katërvjeçar të italianit Ettore Sequi. Përpara se të bëhej ambasadore e BE- së në Shqipëri, Vlahutin shërbeu si këshilltare e Presidentit të Kroacisë dhe ka qenë një nga njerëzit më të afërt të tij. Prezenca e Bashkimit Europian në Tiranë do të përfaqësohet nga një italian pas largimit të ambasadores, Romana Vlahutin. Mësohet se ai është Luigi Soreca, një zyrtar i rëndësishëm i Komisionit Europian në Bruksel, pas pak kohësh do të lërë zyrën e tij për të ardhur në Tiranë.