THORSTEN FREI: NEGOCIATAT, PAS MBARIMIT TË VETINGUT
Deputeti i Kancelares Merkel në Bundestag, Gunther Krichbaum, insiston se hapja e negociatave në këtë kohë me Shqipërinë është e parakohshme.
Kryetari i Komisionit për çështjet europiane në Bundestag, Gunther Krichbaum ( CDU), refuzon në mënyrë rigoroze të ketë bisedime pranimi me Shqipërinë. “Në këtë moment unë jam në mënyrë të qartë kundër negociatave të pranimit me Shqipërinë”, tha deputeti i CDU- së, Kristian Gunther Krichbaum. “Hapja e negociatave tani do të ishte e parakohshme”, citohet të jetë shprehur Krichbaum. Megjithëse Shqipëria ka nisur “reforma të shumta”, për shembull në gjyqësor, ato duhet “të zbatohen tani tërësisht”. Kjo vlen veçanërisht për luftën kundër korrupsionit dhe krimit të organizuar, “i cili shpesh arrin në qarqet më të larta të qeverisë,” argumenton politikani i CDU- së. Komisioni Europian ka “treguar naivitet në këtë çështje”, shkruan Reporteri i Grupit të CDU- së për Shqipërinë në Parlamentin gjerman, Thorsten Frei, mendon se negociatat e Shqipërisë me BE- në nuk duhet të hapen tani pa plotësuar disa kushte. Në një intervistë ekskluzive për “Panorama”, deputeti i partisë së Kancelares Merkel, Thorsten Frei, argumenton se negociatat duhet të hapen kur të kenë kaluar vetingun gjyqtarët e niveleve të larta dhe të Apelit. “Si pjesë e procesit të vetingut, vetëm pesë nga 800 gjyqtarë apo prokurorë janë kontrolluar deri tani. Kjo është shumë pak. Unë besoj se të paktën të gjithë gjyqtarët e gjykatave më të larta dhe Apelit si dhe organet e mbikëqyrjes duhet të kalojnë vetingun përpara konferencës së parë mbi anëtarësimin. Gjithashtu, një reformë elektorale e bazuar në rekomandimet e OSBE- së, ODIHR- it dhe Komisionit të Venecias duhet të zbatohet”, është shprehur reporteri i Grupit të CDU- së për Shqipërinë në Parlamentin gjerman, Thorsten Frei. “Welt”. Por një zyrtar i qeverisë Merkel tha para pak ditësh për të përditshmen gjermane “Ëelt” se Ministria e Jashtme është pro hapjes së negociatave. Michael Roth është ministër i Shtetit dhe ishte i vetmi që iu gjend pranë kryeminis- trit Edi Rama gjatë vizitës së vështirë në Gjermani. Por socialdemokrati ka marrë një përgjigje të ashpër të premten. “Për negociatat vendos Parlamenti,” i është përgjigjur konservatori Gunther Krichbaum, kreu i Komisionit për Europën në Bundestag. Paralajmërimi i fortë vjen në kohën kur Gjermania nuk e ka ende një qëndrim të qartë. Krichbaum thotë se është për hapjen e negociatave me Maqedoninë, por jo për Shqipërinë. Gunther Krichbaum organizoi një seancë dëgjimore me Kryeministrin Rama pak javë më parë kur kreu i qeverisë shqiptare ishte për vizitë zyrtare në Berlin. Të shumta ishin pyetjet e ngritura nga deputetët gjermanë, kryesisht ndaj qasjes së maxhorancës qeverisëse ndaj ish- ministrit të Brendshëm, Saimir Tahiri, duke mos rrëzuar kërkesën e Prokurorisë për arrestimin e tij. Pak ditë pas kthimit të Kryeministrit Rama nga Gjer- mania, ish- ministri i Brendshëm, Saimir Tahiri, dorëzoi vullnetarisht mandatin e deputetit duke u vënë në dispozicion të Prokurorisë si qytetar pa imunitet. Por kjo lëvizje e ish- deputetit Tahiri duket se nuk e ka kënaqur skeptikun Gunther Krichbaum, i cili insiston në moshapjen e negociatave të Shqipërisë me BE- në në muajin qershor. Por ministri i Shtetit në qeverinë Merkel, Michael Roth, ka folur pak ditë më parë për një mbështetje të fortë të Gjermanisë për Shqipërinë dhe Maqedoninë. “Shqipëria ka arritur shumë. Qeveria shqiptare e di se mbetet shumë për t’u bërë. Ka disa shqetësime në lidhje me luftimin e krimit të organizuar, por përsëri rekomandimi është pozitiv. Ky është një lajm i mirë jo vetëm për vendin, por edhe për BE- në dhe për të gjithë miqtë dhe partnerët e Shqipërisë”, është shprehur ministri gjerman për DW.