Bashkëqeverisja, Rama: Adresuam 10 mijë raste
“Largime nga puna e ndjekje penale për 150 punonjës publikë”
Kryeministri Rama e cilësoi të suksesshme funksionimin e platformës së bashkëqeverisjes shqipëriaqëduam. al. Në një takim që zhvilloi dje me koordinatorë të platformës së bashkëqeverisjes dhe qytetarëve, Rama tha se numri i rasteve të trajtuara nga kjo platformë është 10 mijë që nga ngritja e saj.
“Platforma ka arritur në 10 mijë raste të adresuara nga qytetarët, kryesisht ankesa të drejtpërdrejta për halle të tyre individuale apo familjare, por edhe adresime për shqetësime të komunitetit, për nisma komunitare, si dhe për ngritjen e zërit lidhur me çështje të ndryshe të qeverisjes”, tha Rama. Sipas tij, sensibilizimi i
qytetarëve është rritur duke shënuar shifra të larta adresimi. “Javën e fundit kemi pasur 1 mijë raste, që do të thotë që, shpresoj, ngarkesa e platformës do të shkojë duke u rritur, sepse ky është qëllimi. Ndërkohë, edhe organizimi i brendshëm i të gjithë rrjetit të koordinatorëve në pjesën më të madhe është i tillë që mund ta përballojë këtë rritje të fluksit”, tha Rama.
Sipas Kryeministrit, platforma e afron qytetarin më afër me qeverisjen e vendit. “Kjo është një rrugë ku jo vetëm zgjidhim probleme, por dhe rrisim vetëdijen e punonjësve të administratës për fuqinë e çdo njeriu të zakonshëm, i cili, kur shfaqet në një zyrë, apo në një sportel, mund të duket, siç duket tradicionalisht, i pambrojtur dhe në pamundësi për t’u imponuar për të drejtën që i takon me ligj. Ndërkohë që me platformën, çdokush i çfarëdo kategorie sociale, nga çfarëdo pozicioni gjeografik, kthehet në një njeri që ka të gjithë fuqinë e vetë qeverisë, me aksesin e drejtpërdrejtë në qeveri”, tha Rama. Por platforma e bashkëqeverisjes nuk ndihmon vetëm në zgjidhjen e problematikave të qytetarëve, por dhe në pastrimin e administratës nga të paaftët dhe të korruptuarit. “Qëllimi i platformës është i dyfishtë, jo vetëm të zgjidhim problemet, por edhe të identifikojmë të gjithë ata që janë bartës të kësaj inercie që ne duam të ndalim brendapërbrenda administratës, të gjithë ata që bartin zakonet e këqija të admin- istratës dhe që shkelin të drejtat e qytetarëve për dembelizëm, për indiferentizëm, apo, akoma më keq, për arsye korruptive dhe menjëherë fillon një proces administrativ hetimi për të nxjerrë përgjegjësitë”, tha Kryeministri. Sipas tij, për çdo rast të denoncuar ka përgjegjësi konkrete. “Ajo që ndodh konkretisht, është se nis hetimi administrativ për të identifikuar per- sonat që kanë pasur dosjen e babait tuaj, apo dosjet tuaja dhe në vazhdim të hetimit administrativ nxirren konkluzionet për ‘ pse’në e kësaj vonese. Ata persona rrezikojnë që nga largimi nga puna dhe ndjekje penale, apo paralajmërimi. Por në rastet e këtyre vonesave, zakonisht është largim nga puna, ose ndjekje penale, se nuk ka çfarë të jetë tjetër”, tha Rama.