Vikena Kamenica shkëlqen me Dalilën në Francë, kritika: Zbulim
“Një surprizë e bukur në rolin e Dalilës; ajo triumfon në notat akute me art dhe profesionalizëm”
E veshur në ngjyrë smeraldi, me një zë të plotë e të ngrohtë, me një interpretim të bukur sa vokal dhe aktorial, mexosopranoja Vikena Kamenica ka shkëlqyer në rolin e Dalilës në skenën e OpéraThéâtre de Metz Métropole në Francë.
Mexosopranos shqiptare i ishte besuar një kryerol në operën e Camille Saint- Saëns, “Samsoni dhe Dalila”, ngjitur në skenën më të vjetër operistike funksionale në Francë ( ndërtuar përgjatë 20 vjetësh, mes viteve 17321752), dhe ndër më të vjetrat në Europë. Për të nuk është hera e parë që ngjitet në këtë skenë, por kësaj here ka një rol më impenjativ, që e ka nxjerrë më në pah bravurën e saj prej këngëtareje lirike. Ajo është Dalila, një grua fatale, e vetmja që arriti të mposhtë Samsonin, heroin biblik, përkundër ushtrive të panumërta të filistinëve. Ishte ajo që do t’i fitonte zemrën dhe me dredhi do t’i priste flokët, burimin e forcës së heroit, të bekuar prej Zotit. Vepra, e cila rikthehej në skenën operistike pas një mungese 20- vjeçare, ka tërhequr vëmendjen e të gjitha mediave, të cilat i kanë kushtuar jo pak vëmendje përmes reportazhesh e kronikash. “Opera e vetme e kompozitorit Camille Saint- Saëns, pjesë e repertorit romantik botëror, po shfaqet në OpéraThéâtre de Metz Métropole. Është vetë drejtori i teatrit, Paul- Emile Fourny, në krye të këtij projekti realizuar në bashkëpunim me teatrin “Marie Bauer” të Sllovenisë. Me Jacques Mercier në drejtimin muzikor, Laurence Bolsigner- May në koreografi, një kast të jashtëzakonshëm këngëtarësh ( Jean- Pierre Furlan, Vikena Kamenica, Al- exandre Duhamel…), skenografinë e jashtëzakonshme dhe njëkohësisht korin dhe trupën e baletit të Operës së Metz Métropole, ky projekt që nuk ishte ngjitur prej 20 vjetësh në skenën e Metz, ka mobilizuar të gjitha forcat e in- stitucionit”, nënvizon www. mirabelle. tv. ZBULIMI KAMENICA Këngëtarja shqiptare Vikena Kamenica, një ndër më të suksesshmet në skenën shqiptare, është konsideruar si një zbulim në skenën e Metz- it. Ajo ka bërë për vete publikun me interpretimin e saj, por edhe kritikën, që ka vlerësuar interpretimin e mexosopranos. Madje, një nga revistat më në zë muzikore e ka konsideruar atë si zbulimin e Teatrit të Metz- it. Sigurisht, që në Shqipëri Kamenica është një yll, por tanimë edhe në atë franceze. “Me Dalilën e Vikena Kamenicës, Opéra- théâtre de Metz ka nxjerrë në dritë edhe një herë një zbulim vokal të jashtëzakonshëm ( si Yana Kleyn në La Bohème, në fillim të sezonit). Mexosopranoja, e cila ka interpretuar rolin e Mama Lucias ( një rol kontraalto), plot dy vjet më parë në këtë skenë ( ditë më ditë), që në ndërhyrjen e parë dëshmon se notat i ka të mbështetura mirë në gjoks, për t’u ngjitur në drejt akuteve të ëmbla”, shënon “Olyrix”. “Shqiptarja Vikena Kamenica është një surprizë e bukur në rolin e Dalilës. E pajisur me një mexo të plotë, të vulosur mirë, ajo kujdeset mirë si për frëngjish- ten e saj ashtu edhe për linjën vokale të personazhit të saj; ajo triumfon në notat akute me art dhe profesionalizëm”, shkruan “ResMusica”. “Samsoni dhe Dalila” u shfaq në datat 3 dhe 5 qershor. MEXOSOPRANOJA “Dalila është roli i ëndrrave të çdo mexosopranoje”, kështu shprehet vetë Kamenica, e cila përmes një statusi të gjatë në “Facebook” ka falënderuar të gjithë ata që i dhanë zemër dhe e ndihmuan në këtë rrugëtim. Ajo e fillon me sopranon Ermonela Jaho, sepse siç thotë Kamenica: “pa ty nuk do arrija të provoja veten e për më teper të kisha mbështetje të madhe shpirtërore, artistike dhe frymëzim. Vazhdoj e besoj akoma më tepër sloganin tënd ‘ që kur jemi bashkë bëhemi akoma më të fortë’”; për të vijuar me regjisorin e veprës Paul- Emile Fourny. “Një nga njerëzit që besoi kaq shumë që ditën e parë që e kam takuar ka qenë regjisori i veprës Paul- Emile Fourny, një superartist, që me vlerën e punën e tij më ngarkoi këtë debut kaq të fortë emocional dhe së bashku me superstafin e Opera Metz, më bëri të përjetoj një ëndërr të bukur! Dirigjentin Jacques Mercier për shkriftimin muzikor dhe punën e palodhur të chef du chant, Natalie Dang, për analizën e çdo note dhe fjale deri në shfaqjen e fundit!”. Kamenica falënderon partnerët në vepër, Jean Pierre Furlan dhe Alexandre Duhamel, por edhe kolegët shqiptarë, Lindita Kotorri dhe Ardita Bufaj, Igli Rrapaj, me të cilët zbërtheu notat e para të kësaj vepre, deri te një “skuadër” prapavije miqsh e mikeshash që e mbështetën.