Ndalojnë jashtë stacioneve, gjoba 14 furgonëve e autobusëve
Policia Rrugore, 50 kontrolle në autostradën Tiranë- Durrës
Ndalimi i mjeteve të transportit publik për të lënë dhe marrë pasagjerë jashtë vendeve të caktuara përgjatë autostradës TiranëDurrës, është objekti i radhës i Policisë Rrugore që ka nisur dje zbatimin e një plani masash.
Furgonë dhe autobusë që ndalojnë jashtë stacioneve janë kthyer në shqetësim për Policinë, pasi janë kthyer në burim aksidentesh në shumë raste. Por nga ana tjetër, edhe vetë kalimtarët që zgjedhin rrugën e shkurtër për të kaluar nga njëri krah i autostradës në tjetrin, duke kapërcyer trafikndarësen, shpesh janë aksidentuar rëndë e në shumë raste edhe me vdekje. Për këtë arsye, Policia Rrugore e Tiranës u kërkon banorëve që të përdorin mbikalimet për të kaluar rrugën, pasi çdo formë tjetër që ata zgjedhin u rrezikon jetën. Burime zyrtare të Policisë së kryeqytetit thanë dje se në ditën e parë të zbatimit të këtij plani masash janë ndëshkuar me gjoba 14 automjete të transportit publik, që janë konstatuar të ndaluar jashtë stacioneve të caktuara. Ndërsa janë kryer edhe 50 kontrolle për dokumentacionin e furgonëve dhe autobusëve, që transportojnë pasagjerë përgjatë autostradës Tiranë – Durrës dhe anasjelltas. Burimet thanë se ky plan masash do të vazhdojë derisa drejtuesit e automjeteve të transportit publik të sensibilizohen dhe të zbatojnë rregullat.
PLANI I MASAVE Policia Rrugore e Tiranës njoftoi dje se nisur nga shqetësimet dhe rreziku permanent që shfaqin mjetet e shërbimit publik, kryesisht në rrugën interurbane krye- sore Tiranë- Durrës dhe anasjelltas, duke ndaluar jashtë stacioneve të miratuara për marrjen dhe zbritjen e pasagjerëve jashtë stacioneve të miratuara, ka bërë që të nisë zbatimi i një plani masash. Prej disa ditësh Policia Rrugore ka monitoruar pikat e rrezikut ku haset më së shumti ky fenomen dhe dje janë organizuar disa pika kontrolli për monitorimin, kontrollin dhe procedimin e tyre administrativ sipas shkeljeve të evidentuara nga agjentët verifikues. Përveç masave administrative për mjetet e shërbimit publik, të cilët u ndëshkuan, Policia Rrugore apelon që kategoria e këmbësorëve të stacionohen në vendet e miratuara nga autoritetet përkatëse me qëllim disiplinimin e këtij shërbimi dhe rritjen e sigurisë në rrugët urbane dhe interurbane të kryeqytetit. Policia tha se janë kontrolluar gjithsej 50 mjete të kësaj kategorie dhe janë vendosur 14 masa administrative për shkeljet e konstatuara.
KALIMTARET Policia tha dje se një tjetër shqetësim për Policinë Rrugore të Tiranës është mosrespektimi i rregullave të qarkullimit rrugor nga KONTROLLE janë kryer nga Policia Rrugore e Tiranës për mjetet e transportit publik, furgonë e autobusë që qarkullojnë në autostradën Tiranë – Durrës dhe anasjelltas, në zbatim të planit të masave për parandalimin e aksidenteve këmbësorët. Ata, duke kaluar në rrugët interurbane dhe në rrugët urbane, jo në mbikalimet apo në vijat e bardha, por në vendet e palejuara duke iu ndërprerë rrugën automjeteve, përbëjnë rrezik potencial për jetën e tyre dhe përdoruesve GJOBA u janë vendosur dje autobusëve dhe furgonëve, që duke qarkulluar në të dy krahët e autostradës Tiranë – Durrës, janë konstatuar nga efektivët e Qarkullimit duke ndaluar jashtë stacioneve për të zbritur dhe marrë pasagjerë të tjerë të rrugës. “Policia Rrugore e Tiranës apelon për më shumë vëmendje dhe kujdes në respektimin e rregullave të qarkullimit rrugor nga këmbësorët dhe drejtuesit e automjeteve”, thuhet në njoftimin e Policisë së kryeqytetit.