Takimi historik, Trump e Kim mbërrijnë në Singapor
Presidenti i SHBA shkon optimist, Kim ruajti heshtjen
Presidenti Donald Trump mbërriti në Azi të dielën, i përgatitur për të shpallur fitore në bisedimet me liderin e Koresë së Veriut mbi armatimin me armë bërthamore.
“Ne kemi një shans për të arritur një rezultat të vërtetë të mrekullueshëm për Korenë e Veriut dhe Botën”, ka shkruar Trump, rrugës për në takimin historik të Singaporit, duke parashikuar se homologu i tij, Kim Jong Un, do të pranojë çdo kërkesë për paqe dhe prosperitet. Trump ofron reduktimin e sanksioneve ekonomike në Korenë e Veriut në këmbim të denuklearizimit të saj, duke paralajmëruar se samiti është mundësi që jepet vetëm një herë. Pasi zbriti nga Air Force One, Trump u tha gazetarëve se ai ndjehet shumë mirë në lidhje me perspektivat e tij, sipas “USA Today”. Pak orë para mbërritjes së Trump, lideri koreanoverior kishte mbërritur në Singapor, duke mos bërë asnjë koment për takimin aq të brishtë, të anuluar një herë, por të riskeduluar. Trump e ka përshkruar këtë takim, i pari në histori mes një Presidenti amerikan në detyrë dhe një lideri koreanoverior, si nisjen e një procesi. Takimet paraprake kanë filluar. Menjëherë pas mbërritjes, Kim vizitoi Kryeministrin e Singaporit, Lee Hsien Loong, i cili është planifikuar të takohet me Trump të hënën. Qeveria e Singaporit u ofrua si një vend neutral për takimin historik. Fatura e hotelit të Kim do të paguhet nga qeveria. Siguria është forcuar shumë përpara samitit mes dy liderëve të konsideruar që të dy të paparashikueshëm, të cilët në të kalu- arën kanë kërcënuar njëritjetrin me shkatërrim të tyre dhe vendeve që drejtojnë. Zyrtarët kanë siguruar qytetin të dielën, nga sektori i vjetër kolonial deri te rrokaqiejt modern, pranë Sentosa- s ku Trump dhe Kim do të takohen. Sozi të Trump dhe Kim kanë mbajtur një samit të tyre në një qendër tregtare lokale.
Teknikisht, Shtetet e Bashkuara dhe Koreja e Veriut mbesin në një gjendje lufte. Lufta koreane e viteve ’ 50 u mbyll me një armëpushim, jo një traktat. Formimi i një traktati paqeje, që përfshin Korenë e Jugut mund të jetë një tjetër temë e takimit Trump- Kim. Presidenti i SHBA tha se ai ka kaluar një jetë duke u përgatitur për negociata të këtij lloji dhe parashikoi se do të dinte në një çast nëse Kim është serioz në lidhje me temën e denuklearizimit. “Mendoj se brenda minutës së parë do ta di”, tha Trump. Presidenti dikur e përshkroi Kim si “Njeriu i vogël raketë” dhe kërcënoi të shkatërronte vendin e tij nëse nuk heq dorë nga testet nukleare. Ai nuk ka thënë se çfarë mund të ndodhë, nëse samiti nuk shkon mirë.