Përplasen me Policinë, 6 të arrestuar për 200 kg drogë
Arrestohen 6 persona, tentuan të godasin policët me makinat
Goditet grupi kriminal, me tendencë trafikimin e lëndëve narkotike, në momentin që do të bënin shkëmbimin e 200 kg kanabis sativa.
Grupi që e kishte shtrirë aktivitetin në qytetet e Shkodrës, Lezhës, në Kurbin e Malësinë e Madhe, sipas Policisë, ishte me rrezikshmëri të lartë. Gjatë operacionit të koduar “West Univers” në afërsi të Laçit, u arrestuan në kushtet e flagrancës gjashtë persona, ndërsa dy të tjerë janë shpallur në kërkim. Aksioni u finalizua pasi anëtarët e grupit ishin mbajtur në përgjim dhe do të këmbenin sasinë e mallit. Në krye të këtij operacioni ishin forcat operacionale speciale të Tiranës, por veprimet janë ndjekur nga Prokuroria e Shkodrës. Sipas Policisë, në pranga kanë rënë shtetasit: Ardit Haxhagiçi, 34 vjeç, nga Shkodra, Bardh Gostini, 37 vjeç, nga Lezha, Neritan Saraçi, 51 vjeç, nga Shkodra, Rezart Çarçani, 34 vjeç, nga Shkodra, Ramadan Dushaj, 61 vjeç, nga Malësia e Madhe dhe Vilson Ndoka, 27 vjeç, nga Lezha. Përveç gjashtë të arrestuarve ka edhe disa persona të tjerë, të cilët janë shpallur në kërkim.
HETIMI Sipas të dhënave nga hetimi i kryer, më datën 7 qershor 2018 Prokuroria e Rrethit Gjyqësor Shkodër regjistroi procedimin penal mbi bazën e informacionit të dhënë nga Drejtoria e Policisë së Qarkut Shkodër se shtetasi Ramadan Dushaj, lindur dhe banues në fshatin Dobre të Malësisë së Madhe, organizonte veprimtari për financimin dhe transportin e lëndëve narkotike ( marijuanë) në Qarkun e Shkodrës. Nga informacioni i marrë në rrugë operative, ka rezultuar se Dushaj kamuflonte veprimtarinë e paligjshme të tregtimit të lëndëve narkotike me aktivitet të grumbullimit dhe shitjes së produkteve bujqësore në një serë në këtë zonë. 61- vjeçari nga Malësia e Madhe kishte grumbulluar sasi të konsiderueshme lënde narkotike, për të cilën kërkonte treg shitjeje. Për këtë qëllim, shtetasi Ramadan Dushaj mbante me vete mostra të lëndës narkotike, të cilën kërkonte ta shiste. Pas informacioneve të siguruara me autorizim dhe drejtim të Prokurorisë Shkodër, grupi hetimor lejoi aplikimin e metodave speciale të hetimit për sqarimin dhe zbulimin e këtij aktiviteti kriminal, duke arritur në arrestimin e gjashtë shtetasve dhe sekuestrimin e 200 kilogram bimë narkotike e dyshuar si marijuanë.
OPERACIONI Mësohet se gjatë opera- cionit anëtarët e grupit kriminal kanë rrezikuar jetën e efektivëve të Policisë. “Nga veprimet që u kryen në datë 15.06.20018 dhe 16.06.2018, rezultoi se në aksin rrugor Shkodër– Lezhë– Milot, këta persona do të kryenin shkëmbimin e sasisë së lëndës narkotike dhe menjëherë u ndërhy nga punonjësit e Policisë, ku në momentin e shkëmbimit të lëndës narkotike personat e arrestuar kanë goditur me automjete punonjësit e Policisë, duke vënë në rrezik jetën e tyre”, thuhej në njoftimin e Policisë së Shkodrës. Sipas Policisë, operacioni u realizua në orët e para të mëngjesit të djeshëm. “Sot, më datë 16.06.2018, në orët e para të mëngjesit u realizua dhe u finalizua me sukses operacioni i koduar “West Univers”, ku në bashkëpunim me Drejtorin e Forcës Operacionale Speciale Tiranë dhe Prokurorinë e Rrethit Gjyqësor Shkodër, pas një pune të mirorganizuar u bë e mundur goditja e një grupi kriminal me rrezikshmëri të lartë. Arrestimi i tyre u bë pasi nga tërësia e veprimeve policore dhe hetimore të kryera prej një periudhë kohore disamujore, në funksion edhe të procedimit penal, u arrit që të bëhet goditja finale e këtij grupi kriminal dhe dokumentimi i aktivitetit të tyre, ku ky grup e kishte shtrirë aktivitetin në qytetet Shkodër, Lezhë, Kurbin dhe Malsi e Madhe”, bëri të ditur Policia. Në këtë grup kriminal, të gjithë personat kanë pasur rolin e tyre ku në një kohë të shkurtër kanë arritur të sigurojnë lëndën narkotike me qëllim shitjen dhe trafikimin e saj. Veç sasisë prej 200 kg
Nga informacioni i marrë në rrugë operative, ka rezultuar se Dushaj kamuflonte veprimtarinë e paligjshme të tregtimit të lëndëve narkotike me aktivitet të grumbullimit dhe shitjes së produkteve bujqësore në një serë në këtë zonë. 61- vjeçari nga Malësia e Madhe kishte grumbulluar sasi të konsiderueshme lënde narkotike, për të cilën kërkonte treg shitjeje
drogë, Policia sekuestroi edhe armë, fishekë, 1 radio dhënëse marrëse si ato të Policisë, automjete, telefona celularë e dokumente të të arrestuarve. Ky operacion është realizuar brenda shtatë ditëve, i drejtuar nga Prokuroria, në bashkëpunim me Policinë e Shkodrës dhe të Lezhës.