U dyshua për vdekje natyrale, mjekët gjejnë plumb në kokë
Ende mister rrethanat. 60- vjeçari po riparonte një automjet
U gjet i vdekur në servisin e makinave, Policia heton dhe për vrasje.
Mehdi Kavaja, rreth 60 vjeç, është gjetur pa shenja jete në servisin e tij në lagjen "Tophane" të Shkodrës, ku ai bënte riparime dorezash të automjeteve. Fillimisht u dyshua se vdekja ka qenë për shkaqe natyrale, duke menduar se ka pasur një hemorragji në kokë, por pas hetimit të kryer nga ana e Policisë dhe ekspertizës mjeko- ligjore, rezulton se vdekja ka ardhur si shkak i vrasjes me armë zjarri. Kjo, pasi nga verifikimet paraprake, është konstatuar një vrimë në kokën e 60- vjeçarit dhe pas autopsisë është gjetur edhe një trup i huaj, që dyshohet se është një plumb që mund t'i ketë shkaktuar vdekjen. Ka qenë një kalimtar i rastit që ka parë të shtrirë në tokë shtetasin Mehdi Kavaja pranë servisit të tij në afërsi të xhamisë së Tophanës. Menjëherë ai ka njoftuar ambulancën, e cila ka bërë edhe transportimin e trupit në Spitalin Rajonal të Shkodrës. Edhe mjekët fillimisht menduan se vdekja erdhi nga shkaqe natyrale, por pas ekspertizës u pa se 60- vjeçari kishte një vrimë në kokë dhe dyshohet se dikush e ka qëlluar atë me armë zjarri. Gjithsesi, do të priten rezultatet përfundimtare të MjekësisëLigjore për të dalë në një përfundim. Mehdi Kavaja kishte vite që punonte në servisin e tij lagjen "Tophanë", në qytetin e Korçës, ku merrej me riparimin e dorezave të makinave. Në vendin e ngjarjes, shumë pranë viktimës, u gjet dhe një automjet që 60vjeçari e kishte në riparim e sipër, pasi dera e makinës ishte lënë e hapur. Burime pranë familjarëve bëjnë me dije se 60- vjeçari nuk kishte konflikte me askënd. Ende nuk ka një pistë rreth shkaqeve të kësaj ngjarjeje, ndërsa mbeten mister rrethanat. Nisur nga ky fakt, nuk përjashtohet mundësia që vrasja të ketë ardhur nga ndonjë konflikt që mund të ketë pasur djali i tij. Policia vendore e Shkodrës ka nisur hetimin për këtë ngjarje për të arritur tek identifikimi i autorit dhe kapja e tij. "Më datë 18.06.2018, në ora 15: 30, jemi njoftuar se në lagjen ' Salo Halili', Shkodër, në servisin e tij për automjete, është gjetur i vdekur shteta- si M. K. 60 vjeç, banues lagje ' Salo Halili', Shkodër. Nga veprimet e para hetimore, ka rezultuar se viktima ka një vrimë në kokë, por pritet akti i plotë i ekspertizës mjeko- ligjore për përcaktimin e llojit të dëmtimit. Në vendngjarje po kryhen të gjitha veprimet hetimore për zbardhjen e plotë të rrethanave të ngjarjes, nëse kemi të bëjmë me vrasje apo ngjarje aksidentale", bën të ditur Policia.