Sejko flet për euron: Pse do ndërhyjmë
“Rrethi vicioz i tregut valutor nxiti zhvlerësimin e euros”
Guvernatori i Bankës së Shqipërisë, Gent Sejko, në samitin e vendeve të rajonit që u mbajt në Malin e Zi, me temë “Stabiliteti financiar dhe monetar në rajon, 10 vjet pas krizës financiare globale”, u ndal tek ecuria e kursit të këmbimit në vend. Guvernatori Sejko tha se tendenca e mbiçmimit të lekut ka nisur që në 2015, por në 6 muajt e 2018 leku u mbiçmua 7 për qind. Sejko shpjegoi edhe arsyet e ndërhyrjes së Bankës së Shqipërisë për blerjen e valutës me qëllimin për të ruajtur stabilizimin e çmimeve. “Tendenca e mbiçmimit filloi rreth gjysmës së dytë të vitit 2015, por fitoi shpejtësi të konsiderueshme në vitin 2018. Leku u mbiçmua mesatarisht me 2.3 për qind ndaj euros në 2016 dhe 2017, ndërkohë që u mbiçmua me rreth 7 për qind në gjysmën e parë të vitit 2018. Analiza jonë tregon shpjegime që ndryshojnë qartësisht për mbiçmimin para dhe pas vitit 2018. Mbiçmimi i lekut në periudhën 2016-‘ 17 ka qenë gjerësisht në linjë me përmirësimin e faktorëve fondamentalë në ekonomi”, tha Sejko. Guvernatori shpjegoi edhe arsyet e zhvlerësimit të euros në 6 muajt e parë të 2018- s. “Mbiçmimi i shpejtë që përjet- uam në 2018 ishte një dukuri e nxitur në masë të madhe nga tregu i këmbimit valutor. Lajmi për një fluks hyrës të beftë dhe të qëndrueshëm të valutës, nxiti pritshmëri të njëanshme në tregun valutor. Këto pritshmëri u pasqyruan në ofertë të përshpejtuar për valutë dhe kërkesë të shtyrë në kohë për valutë, duke gjeneruar një rreth vicioz mbiçmimi. Banka e Shqipërisë nuk reagoi mbi trendin real të mbiçmimit në dy vitet e kaluara. Megjithëse disa devijime të vogla ende ishin të pranishme, ne vlerësuam se tendenca u nxit në masë të madhe nga përmirësimi i faktorëve fondamentalë. Kjo ecuri na lejoi ta fokusonim politikën tonë monetare në arritjen e objektivit tonë për inflacionin prej 3 për qind”, tha Sejko. Guvernatori tha se kursi i këmbimit po i kthehet normalitetit pas ndërhyrjes së Bankës së Shqipërisë. “Tregut iu komunikua qartësisht se do të ishte një ndërhyrje jo e za- konshme dhe e përkohshme. Ndaj, nuk përfaqëson një ndryshim të angazhimit tonë për një regjim të lirë të kursit të këmbimit dhe nuk duhet të përfaqësohet si e tillë. Si rrjedhojë, këto masa rezultuan efeciente dhe tani lëvizjet në kursin e këmbimit po i rikthehen normalitetit”, u shpreh Sejko.