Berisha: Rama kërkon refugjatët sirianë për negociatat me BE- në
Ish- Kryeministri Berisha akuzoi pasardhësin e tij Edi Rama, se është ai që ka kërkuar ngritjen e kampeve të refugjatëve në Shqipëri në këmbim të hapjes së negociatave me BE- në. "Të pretendosh të marrësh 600 mijë, e shndërron Otranton me qindra mjete skafesh që po vijnë edhe këto ditë në Shqipëri në varrezën më të madhe të Mesdheut në kohëra. I bëj thirrje qeverisë italiane që mos pranojë një nismë të tillë se në mënyrë absolute, të gjithë ata me skafe do të vërshojnë drejt Italisë. U bëj thirrje vendeve perëndimore, Komisionit Europian të mos pranojnë ofertën e Edi Ramës, sepse aq sa realizoi armët kimike, do të mund të realizojë këtë. Ne nuk jemi kundër emigrantëve. Ne nuk jemi për të mos ndihmuar njerëzit në nevojë. Por jemi se kjo do të ishte një barbari e vërtetë për emi- grantët në Tiranë. Edi Rama e bën këtë vetëm e vetëm për të marrë një ' PO' për hapjen e negociatave pa kushte. Por Shqipëria nuk ka asnjë kusht të vërtetë për hapjen e negociatave", tha dje Berisha në një intervistë për "Ora News". Sipas tij, nuk mund të bëhen paralel- izma mes refugjatëve sirianë dhe shqiptarëve të Kosovës që erdhën në Shqipëri gjatë konfliktit me serbët. "Si u mbajtën refugjatët e Kosovës? 700 mijë prej tyre janë mbajtur në familje shqiptare. Pa pyet prej tyre kush është i gatshëm të mbajë terroristë të ISIS të lidhur me ta? Asnjë, them unë! Të krahasosh terroristët e ISIS me refugjatët e Kosovës, do të thotë të jesh si Edi Rama, që je i gatshëm të ndëshkosh me çdo çmim vendin tënd për karrigen tënde", tha Berisha. Ardhja e refugjatëve sirianë në Shqipëri do të rrisë kriminalitetin në vend. "Jam absolutisht kundër! Nëse Shqipëria pranon të marrë ish- terroristë të ISIS që janë valët e fundit të refugjatëve, Shqipëria bën një vetëvrasje dhe Shqipëria bëhet gurë e krim e pëllëmbë e krim. Shqipëria po eksporton krim nga mëngjesi deri në darkë në mbarë Europën dhe vendi i vetëm në Europë që nuk mund të menaxhojë është Shqipëria", tha Berisha.