Refugjatët, Presidenti i KE: Shqipëria, vend që diskutohet
"Vende të mundshme, Tunizia e Shqipëria, por ende shpejt"
Presidenti i Këshillit Europian, Donald Tusk, konfirmon se Shqipëria është një nga vendet pritëse të refugjatëve të larguar nga vendet e BE- së. Krijimi i kampeve pritëse për refugjatët në BE do të jetë një nga pikat kryesore që pritet diskutohen në samtin e radhës të BE.
Sipas "Politico. eu", presidenti i Këshillit Europian, Donald Tusk, i ka propozuar krerëve të KE- së të krijojnë "platforma rajonale të zbarkimit" jashtë Bashkimit Europian. Kjo platformë e zbarkimit, nëse do të realizohe, t do të ketë të detyrueshëm bashkëpunimin me Komisionerin e Lartë të Kombeve të Bashkuara për Refugjatët ( UNHCR) dhe Organizatën Ndërkombëtare për Migrim ( IOM). Gjithashtu, ky menaxhim që mund t'u bëhet emigrantëve të larguar nga vendet e BE- së, shihet edhe si një mekanizëm formal, me të cilin BE mund të lidhë ndarjen midis liderëve të linjës së ashpër që bëjnë thirrje për kontrolle të ashpra kufitare dhe ata që këmbëngulin që vendet e BEsë t'i binden ligjit ndërkombëtar dhe t'i mirëpresin refugjatët që kanë nevojë për mbrojtje. Sipas "Politico. eu", presidenti i Këshillit Europian, Donald Tusk, ka deklaruar se Shqipëria dhe Tunizia janë mes vendeve partnere, në të cilat mund të ndërtohen kampet për pritjen e emigrantëve, por, sipas tij, është ende herët për të folur për diçka konkrete. "Mes vendeve të mundshme partnere janë Tunizia dhe Shqipëria, por zyrtarët thonë se është shumë shpejt që të spekulohet për këtë", ka deklaruar Tusk. Disa ditë më parë,
Kancelari austriak, Sebastian Kurz, konfirmoi faktin se qeveria e drejtuar prej tij po punonte së bashku me disa vende të BE- së për ngritjen e një kampi për pritjen e emigrantëve jashtë Bashkimit Europian. Kancelari austriak, Kurz, zhvilloi një takim në lidhje me këtë çështje me ministrin e Brendshëm gjerman. "Austria po punon me një grup të vogël vendesh të BE- së për planin e ngritjes së qendrave të pritjes për refugjatët jashtë BE- së. Planet janë tejet konfidenciale për të rritur probabilitetin e realizimit të tyre", tha Kancelari austriak. Shefi i ekzekutivit në Austri, i pyetur nga gazetarët mbi mundësinë e zbatimit të këtij projekti në Shqipëri, u përgjigj duke thënë "do ta shohim", duke mos dhënë një përgjigje përfundimtare për këtë çështje.