Kuvendi në Shkup ratifikon marrëveshjen për emrin e ri
Zaev paralajmëron shkarkimin e Ivanovit në Parlament
Kuvendi i Repub- likës së Maqedonisë ratifikoi marrëveshjen me Greqinë për emrin, duke e dërguar atë më pas te Presidenti Gjorgje Ivanov për nënshkrim.
Presidenti maqedonas, besnik i VMRO- DPMNE, ka deklaruar më parë se nuk do ta nënshkruajë këtë marrëveshje, të cilën e ka quajtur një pakt personal të Kryeministrit Zoran Zaev dhe jo shtetëror, por zyrtarë në BE kanë kërkuar që të mos paragjykohet se ç’do të bëjë Ivanov, pasi ai edhe mund ta nënshkruajë marrëveshjen që zgjidhi konfliktin 27- vjeçar mes Shkupit dhe Athinës dhe i zhbllokoi rrugën e Maqedonisë ( apo Maqedonia e Veriut sipas marrëveshjes) për në BE dhe NATO. Anëtarësimi ishte bllokuar me veto nga Greqia, anëtare në të dyja unionet, duke kushtëzuar më parë me zgjidhjen e çështjes së emrit të ish- Republikës jugosllave. Kryetari i Kuvendit në Maqedoni, Talat Xhaferi, e ka dërguar te Presidenti Ivanov ligjin për marrëveshjen me Greqinë. Tani, Presidenti ka shtatë ditë afat që ta dekretojë ligjin. Nëse ai vendos veto, marrëveshja përsëri kthehet në procedurë në Kuvend. Kryeministri Zaev deklaroi në një intervistë të martën, se është e mun- dur që shumica parlamentare të kërkojë shkarkim për Presidentin Gjorge Ivanov nëse ai nuk e nënshkruan marrëveshjen me Greqinë, në rast se qytetarët do të deklarohen pozitivisht në referendum për këtë marrëveshje. Në këtë rast do të duheshin dy të tretat e shumicës së deputetëve, pra 81 vota. Por vendimi më i rëndësishëm iu takon qyteta- rëve të Maqedonisë, për të thënë fjalën e tyre në referendum. Pas paralajmërimit të Zaevit, Presidenti Ivanov ka reaguar duke deklaruar se Kryeministri mund ta nisë procedurën e shkarkimit të tij, pasi ai nuk e ka ndërmend që të heqë dorë nga kundërshtimi i këtyre ligjeve, duke paralajmëruar kështu veto për marrëveshjen.