Opozita kërcënon me bojkot: Prezenca jonë në Kuvend shndërrohet në fasadë
Dy partitë kryesore të opozitës, PD he LSI, kanë paralajmëruar dje për një bojkot të mundshëm të Parlamentit, në rast se do të vazhdojë t’u mohet e drejta e fjalës. Dy kryetarët e Grupeve Parlamentare, Edmond Spaho i PD dhe Petrit Vasili i LSI- së, me një letër të përbashkët, kanë theksuar se heqja e së drejtës së fjalës është një cenim i së drejtës kushtetuese. Në letrën e tyre, Vasili dhe Spaho quajnë të papranueshëm faktin se me kërkesën e Taulant Ballës, përveç tërheqjes së PS nga fjalimet, iu hoq dhe opozitës kjo e drejtë. Në letrën e tyre, PD dhe LSI kanë lënë të kuptohet se do të shikojnë dhe si mundësi bojkotin e Parlamentit. “Nëse opozitës i mohohet edhe kjo e drejtë, atëherë prezenca jonë në Kuvend shndërrohet në fasadë, që nuk i shërben interesit publik dhe vetë funksionimin normal të Parlamentit”, thuhet në letrën e përbashkët e PD dhe LSI. Ndërkohë që dje gjatë se- ancës të së enjtes, opozita ka zbatuar strategjinë e marrëdhënieve të kushtëzuara me Parlamentin. Në foltoren e Kuvendit ka folur dje vetëm kryetari i PD- së, Lulzim Basha, të cilit iu ndërpre fjala dy herë dhe për këtë shkak nuk e ka liruar më foltoren. Por ky qën- drim ka shkaktuar dhe një pakënaqësi edhe brenda opozitës, ku në seancë, Luan Rama ka kërkuar lirimin e foltores së Kuvendit në mënyrë që ai të fliste në emër të LSI- së. “Jemi përballë vendimit historik që do të mbajë Këshilli Ministrave të BE më 28 qershor dhe kjo shfaqje e shëmtuar, ky degradim i parlamentarizmit është një arsye më shumë pse Shqipëria nuk e meriton t’i çelen negociatat për anëtarësimin në BE. Unë jam gati të flas, por në kushtet kur foltorja është e zënë dhe këtu mungon etika dhe besimi reciprok midis deputetëve, e kam të pamundur të bëj sfidë dhe të dal e të marr fjalën me zor”, tha Luan Rama. Por Gramoz Ruçi ka bërë fajtor Lulzim Bashën për këtë bllokim. “Uroj dhe shpresoj që qëndrimi juaj shumë konstruktiv të jetë mirëkuptuar nga pushtuesi i foltores, kryetari i opozitës, Lulzim Basha. Edhe njëherë i bëj thirrje kryetarit të PD, që të lirojë foltoren e Kuvendit”, ka thënë Ruçi. Por në moment që Spaho kërkoi fjalën për procedurë, Ruçi iu përgjigj: “Jo, s’ka procedurë”. Ndërkohë që Edi Paloka iu drejtua nga vendi: “Pse nuk e mbyll fare Parlamentin, të biesh rehat”.