Negociatat, Parlamenti holandez voton kundër Shqipërisë dhe Maqedonisë
“De Telegraaf”: “Holanda bllokon pranimin e Shqipërisë në BE”. “Der Standard”: “Franca, Danimarka dhe Holanda kundër”
Parlamenti holandez ka votuar dje kundër hapjes së negociatave me Shqipërinë dhe Maqedoninë.
Mediat holandeze shkruajnë se 125 deputetë të Parlamentit holandez kanë votuar kundër hapjes së negociatave me Shqipërinë dhe Maqedoninë. Sipas mediave holandeze, Shqipëria duhet të bëjë më shumë në luftën kundër korrupsionit dhe krimit të organizuar. Gjatë ditës së djeshme, mediat europiane, pasqyruan dhe qëndrimin e qeverive të vendeve respektive. Gazeta holandeze “De Telegraaf”, në një shkrim të saj dje thotë se është Holanda ajo që po bllokon rrugën e Shqipërisë drejt BE dhe se ajo do të vendosë veton në Parlamentin Europian në Bruksel në 28 dhe 29 qershor, kundër hapjes së bisedimeve BE- Shqipëri. Me titullin, “Holanda bllokon pranimin e Shqipërisë në BE”, artikulli shkruan se shumica e partive të Parlamentit holandez janë kundër votës pro për hapjen e negociatave. Sipas “De Telegraaf”, shkak për këtë janë bërë shqetësimet për krimin e organizuar dhe korrupsionin. “Shqipëria, vendi i Ballkanit i goditur nga varfëria, mori statusin e vendit kandidat për në BE disa vjet më parë. Komisioni Europian tani dëshiron të hapë negociatat me Shqipërinë dhe Maqedoninë për anëtarësimin e tyre ne union. Ajo madje përmend një vit në të cilin anëtarësimi duhet të jetë një fakt: 2025”. Krimi i organizuar dhe korrupsioni duken se janë shqetësime për qeverinë holandeze. “Ne kemi shqetësime serioze në lidhje me luftën kundër korrupsionit dhe krimit të organizuar”, thotë ministri i Jashtëm Blok. “Më parë duhet bërë më shumë përparim në këto pika”. Por Blok, sipas “De Telegraaf” nuk ia mbyll derën përfundimisht Shqipërisë akoma. “Grupet parlamentare të VVD, CDA, CU, PVV, SP dhe 50Plus po e ndalojnë qeverinë holandeze të pranojë hapjen e negociatave me Shqipërinë. Vetëm D66 dhe GroenLinks duan që BE të fillojë bisedimet me Shqipërinë dhe Maqedoninë. ‘ Por negociatat nuk do të thotë se ata mund të bashkohen me unionin’, tha deputeti Verhoeven i D66. ‘ Nuk është aspak shpejt’, sipas tij”, përfundon artikulli.
DER STANDARD Franca, Danimarka dhe Holanda janë vendet skeptike për hapjen e negociatave me Shqipërinë. “Ndonëse këto të fundit kanë gjasa ‘ të kthejnë’ kur të gjithë të tjerët po tërhiqen, është ende e mundur që Parisi të votojë kundër shqyrtimit të kapi- tujve të parë të BE- së për Shqipërinë në samitin e 28 dhe 29 qershorit”. Kështu shkruante dje “Der Standard”, duke mos kursyer lëvdatat për punën që po bëhet në vend për nxjerrjen në pah të gjyqtarëve dhe prokurorëve të korruptuar, si “e vetmja reformë e plotë gjyqësore, që nuk ishte parë në asnjë shtet të Europës Juglindore si në Shqipëri”. Sipas gazetës prestigjioze, Presidenti Emmanuel Macron është i shqetësuar dhe dëshiron që çështja e zgjerimit të mos jetë fare në tryezë para zgjedhjeve të BEsë në 2019- ën. “Macron ka frikë se çështja do të tërheqë skeptikët e BE- së. Ai dëshiron të sigurojë shumicën e gjerë në Parlamentin Europian për reformat e tij. Megjithatë, Franca është paralajmëruar nga shtetet e tjera të BE- së se vetëm do të duhet të mbajë e vetme pasojat politike nëse bën rezistencë për integrimin e Shqipërisë. Kjo gjithashtu do të minonte politikën e kushtëzimit ( përpjekjet e BE për reformat) dhe besueshmërinë e BE- së. Udhëheqësi socialist Edi Rama gjithashtu ka disa miq të partisë në BE, sepse shumica e vendeve të BE- së qeverisen nga konservatorët. Opozita në vendin e vet, Partia Demokratike ( PD), ashtu siç është aq e zakonshme në Ballkan, refuzojnë të përgëzojnë qeverinë dhe lobon në BE kundër fillimit të negociatave. Gjith- ashtu, në CDU dhe CSU ka njerëz që janë kundër bisedimeve të pranimit. Megjithatë, Merkel ka fjalën e fundit dhe Kancelarja është në favor. Megjithatë, ekspertët e sigurisë në BE janë ende të shqetësuar për krimin e organizuar – sidomos për trafikun e drogës. Jo shumë për prodhimin e kanabisit në Shqipëri, siç ishte vitin e kaluar, por për kontrabandën e kokainës në Europë” shkruan “Der Standard”.