Berisha: Lajm tronditës, Gjermania 10 kushte
“Kërkojnë reformë zgjedhore, dënim të gjyqtarëve e prokurorëve”
Ish- Kryeministri Sali Berisha deklaron se Gjermania do t’i thotë “po” çeljes së negociatave për Shqipërinë, por do të vendosë dhjetë kushte që duhen plotësuar. Duke iu referuar burimeve të mirinformuara nga Berlini, Berisha shkruan se negociatat me Shqipërinë nuk do të hapen pa kushte. “Lajm tronditës! Gjermania vendos 10 kushte për hapjen e negociatave me Shqipërinë! Burime të mirinformuara nga Berlini bëjnë me dije se Bundestagu ka miratuar një dokument, që do bëhet publik ditët e ardhshme, në të cilin hidhet poshtë kërkesa e Ramës për hapjen pa kushte të negociatave me Shqipërinë”, shkruan Berisha në “Facebook”. IshKryeministri, duke iu referuar këtij dokumenti, thekson se të gjitha grupet në Parlamentin gjerman kanë rënë dakord që Shqipëria para hapjes së negociatave duhet të plotësojë 10 kushte. Berisha rendit 10 kushtet që Gjermania ka kërkuar të plotësojë Shqipëria, në krye të të cilave është votimi i reformës zgjedhore dhe përmbyllja e procesit të vetingut për gjyqtarët dhe prokurorët e Apelit dhe shkallëve më të larta të drejtësisë. “Dekalogu gjerman i kushteve që duhet të plotësojë Shqipëria para hapjes së negociatave përfshin: 1. Votimin e reformës zgjedhore. 2. Vetingun e të pak- tën të gjithë gjykatësve dhe prokurorëve të Apelit e sipër. 3. Ndjekjen penale të të gjithë gjykatësve dhe prokurorëve që gjenden në shkelje të ligjeve gjatë vetingut. 4. Ndjekjen penale dhe dënimin për korrupsion dhe trafiqe të zyrtarëve të lartë. 5. Zhdukjen e mbjelljes dhe prodhimit të drogës në vend. 6. Luftën me rezultate konkrete të krimit të organizuar, korrupsionit dhe trafiqeve! 7. Ngritjen dhe funksionimin e SPAK- ut. 8. Ngritjen dhe funksionimin e Gjykatës Kushtetuese dhe Gjykatës së Lartë! 9. Zbatimin e reformës zgjedhore. 10. Funksionimin normal të shtetit ligjor”, shprehet Berisha. Për ishKryeministrin, dekalogu që ka vendosur Gjermania është i qartë se me Ramën nuk ka integrim, nuk ka hapje negociatash, por vetëm kushte, dyfishim kushtesh dhe bllokim.