Sejko: Pagesat do dixhitalizohen, ulen kostot
“Modernizimi i shërbimeve do të nxisë përdorimin e pagesave”
Sistemi i pagesave në vend do të modernizohet dhe do të ketë kosto më të ulët për qytetarët. Banka e Shqipërisë përfundoi hartimin e strategjisë kombëtare për reformimin e sistemeve të pagesave me vlerë të vogël për vitet 2018- 2023. Zbatimi i strategjisë synon të përmirësojë infrastrukturën e sistemit të pagesave, ta bëjë atë më të aksesueshme nga qytetarët dhe me tarifa më të ulëta. Guvernatori i Bankës së Shqipërisë, Gent Sejko, dje në konferencën “Modernizimi i sistemit të pagesave me vlerë të vogël në Shqipëri”, tha se përmirësimet synojnë të rrisin përdorimin e pagesave në përditshmërinë e qytetarëve. “Synim parësor në këtë drejtim është përdorimi i gjerë i instrumenteve të pagesave në përditshmërinë e qytetarëve. Kjo mënyrë e re zhvillimi kërkon identifikimin dhe plotësimin e nevojave edhe të komponentit më të vogël përbërës të ekonomisë - individit dhe biznesit. Në kushtet e tregut shqiptar, i cili karakterizohet nga një përfshirje dhe edukim financiar i ulët, si dhe shërbime të ofruara me kosto relativisht të lar- PER QIND pritet të rritet numri i pagesave për frymë deri në 2020- ën, nga 4,3 për qind për frymë që ishte në 2016- ën, sipas strategjisë së Bankës së Shqipërisë ta, synimi ynë do të jetë nxitja e sistemit bankar në ofrimin për qytetarët të shërbimeve lehtësisht të aksesueshme e me kosto efektive, duke mbështetur kështu objektivin e një përfshirjeje më të gjerë financiare”, tha Sejko. Guvernatori u shpreh se sistemi i pagesave pritet të dixhitalizohet, çka do të sjellë ulje të kostove. “Nevoja për ndërhyrje në këtë drejtim bëhet më e rëndësishme dhe sfiduese, sidomos teksa përjetojmë zhvillime teknologjike të shpejta e gjithëpërfshirëse. Në kushtet kur shumica e aspekteve të jetës së përditshme po dixhitalizohen dhe automatizohen, modernizimi i sistemeve të pagesave bëhet edhe më i rëndësishëm. Bazuar në studimet dhe analizat e kryera nga Banka e Shqipërisë me mbështetjen e Bankës Botërore, evidentohet qartazi se promovimi i dixhitalizimit dhe inovacionit në tregun e pagesave ndikon ndjeshëm në uljen e kostove të mbartura nga këto instrumente, duke krijuar shërbime lehtësisht të aksesueshme dhe të përballueshme nga të gjithë”, u shpreh Sejko.