Merkel e Macron miratojnë buxhetin e “fundit të BE- së”
Reagon Polonia: De facto, eurozona po shkëputet nga BE
Kancelarja gjermane, Angela Merkel dhe Presidenti francez, Emannuel Macron, arritën një marrëveshje për të akorduar një buxhet për eurozonën, me qëllim që të rritin konkurrencën ekonomike.
Konservatorët gjermanë thanë se nuk do ta mbështesnin marrëveshjen, pasi nuk ishin informuar në kohën e duhur mbi të dhe dinin shumë pak. Por ministri i Financave në Gjermani, Olaf Scholz, doli në favor të kësaj marrëveshjeje, duke e cilësuar si të duhurën për t’u bërë në këto momente. “Ne aktualisht jemi në një udhëkryq dhe me këtë marrëveshje, palët vendosin të zbresin në rrugën që quhet Bashkimi Europian”, deklaroi Scholz. Ai mbështeti gjithashtu një propozim për të krijuar një sistem të sigurimit të papunësisë në mbarë Europën, pasi kjo do të bënte eurozonën më të qëndrueshme ndaj goditjeve ekonomike. Por, marrëveshja për eurozonën nuk është pritur mirë nga vende të tjera të Bashkimit Europian. Polonia ka paralajmëruar se buxheti i eurozonës i propozuar nga Emmanuel Macron dhe Angela Merkel mund të përcaktojë fundin e BE- së. Buxheti i propozuar nga Macron dhe i mbështetur nga Kancelarja gjermane ka strukturën e vet qeverisëse, për të forcuar bllokun monetar prej 19 anëtarësh. Presidenti francez tha se shpresonte që Parisi dhe Berlini të mund ta shihnin planin të jetësuar deri në vitin 2021. Por Krzysztof Szczerski, shefi i stafit të Presidentit të Polonisë, Andrzej Duda, këmbënguli që një skemë e tillë mund të përcak- tojë fundin e BE- së, nëse heq burimet nga buxheti i përbashkët i të gjithë anëtarëve. Sipas tij, “nëse shtetet e eurozonës vendosin të shpenzojnë para shtesë për këtë buxhet, atëherë kjo është çështje e tyre e brendshme, por nëse do të krijohej në kurriz të kontributeve të tyre në buxhetin e përgjithshëm ( të BE- së) atëherë ky do të ishte fundi i BE- së”. Szczerski tha për agjencinë polake të lajmeve PAP se, “Kjo do të thotë de facto se eurozona po shkëputet dhe se dëshiron të veprojë jashtë kuadrit të përgjithshëm të BE”. Ai paralajmëroi gjithashtu për pabarazitë e thella që mund të ndodhnin nëse buxheti i propozuar i eurozonës do të miratohej së bashku me projekt- buxhetin e Komisionit Europian pas Brexit, për periudhën 2021- 2027.