Negociatat në 2019, zbardhen kushtet e BE
Ministrat e Jashtëm të BE vendosin kushte për hapjen e negociatave me Shqipërinë në 2019. Rama: Morëm datën. Basha: Duhet kthesë
Partia Demokratike ngarkoi me përgjegjësi maxhorancën për vendimin e marrë nga BE- ja për të mos hapur negociatat me Shqipërinë. Kryetari i opozitës, Lulzim Basha, deklaroi se krimi dhe korrupsioni shtynë edhe me një vit vendimin për Shqipërinë. Sipas Bashës, negociatat do të shtyhen edhe në 2019- ën në rast se nuk do të përmbushen kushtet e vendosura. “Hapja e negociatave për Shqipërinë u shty edhe për një vit. Krimi dhe korrupsioni po mbajnë peng të ardhmen tonë. Pa luftuar krimin dhe korrupsionin, vendimi në 2019- ën do jetë refuzues si sot. Tani është momenti për një kthesë të madhe për të shpëtuar vendin dhe të ardhmen tonë europiane”, tha Basha. Edhe kryetari i Këshillit të Integrimi në Kuvend, Genc Pollo, deklaroi se negociatat nuk u hapën për shkak të krimit qeveritar dhe korrupsionit. Në lidhje me ven- dimin e marrë nga ministrat e Jashtëm të BE- së, Pollo sqaron se Franca dhe Holanda kanë kundërshtuar çeljen e negociata me Shqipërinë, ndërkohë që Gjermania vendosi kushte. “BE- ja ka vendosur të mos hapë negociatat për shkak të korrupsionit dhe të krimit qeveritar. Franca dhe Holanda kanë vënë veton, kurse Gjermania ka kërkuar hapje negociatash me kushte. Vendimi do të rishqyrtohet pas një viti nga Këshilli Europian, i cili do të vendosë vetëm kur të verifikohet se Shqipëria i ka plotësuar kush- tet dhe vetëm pas miratimit paraprak nga ato parlamente të vendeve anëtare, që duhet të shprehen. Por edhe në këtë ditë të hidhur për shqiptarët, qeveria ka pafytyrësinë të mashtrojë dhe gënjejë, duke thënë se janë hapur negociatat”, tha Pollo.