“Ngjarja tragjike me shoferin e Xhafajt, vrasje mafioze”
Spaho: Mohimi i të vërtetave e la Shqipërinë jashtë BE- së
Nënkryetari i PD- së, Edmond Spaho, reagoi pas qëndrimit që Kryeministrit Rama që mbajti për vrasjen e shoferit të ministrit të Brendshëm, Fatmir Xhafaj. Në një dalje për mediat, Spaho deklaroi se ngjarja e ndodhur në ambientet e Gardës së Republikës është një vrasje mafioze dhe jo një skenar fantazie, siç pretendon kreu i qeverisë. “Ngjarja tragjike me shoferin e ministrit të Brendshëm është vrasje mafioze, nuk është skenar fantazie, siç do ta shesë Kryeprokurori Edi Rama. Këto 5 vjet në pushtet, Edi Rama ka mohuar çdo skandal që implikon atë dhe qeverinë e tij në krim! Edi Rama quajti skenar fantazie edhe transportin e drogës me avionë. Ai tha se kriminelët në Parlament dhe bashki ishin skenarë makabër të opozitës. Kanabizimin e vendit, Edi Rama e quajti njësoj si sot, skenar fantazie makabër. Përfshirjen e Saimir Ta- hirit me ‘ Audin’ e tij AA 003 GB, në trafikun ndërkombëtar të drogës bashkë me Habilajt, Edi Rama e cilësoi skenar kriminal të opozitës. Edi Rama mohoi për 5 vjet dënimin e Agron Xhafajt, vëllait të ministrit të Brendshëm, për trafik ndërkombëtar droge. Tani po mohon, me të njëjtat fjali, përfshirjen e Taulant Ballës në pastrimin e parave të drogës me çështjen e 3.4 milionë eurove, të kapura në ‘ Toyota Yaris’ vetëm pasi u denoncuam nga opozita”, deklaroi Spaho. Edhe një ditë më parë në reagimin e saj zyrtar për vrasjen e shoferit të ministrit të Brendshëm, Fatmir Xhafaj, PD e cilësoi një vrasje mafioze vdekjen e Shkëlzen Qordja. Kryetari i Grupit Parlamentar të PD- së theksoi se mohimi i këtyre të vërtetave e la Shqipërinë jashtë Bashkimit Europian edhe për këtë vit. Për Spahon, me Ramën Kryeministër dyert e Europës do të jenë të mbyllura edhe vitin e ardhshëm. “Mohimi i këtyre të vërtetave e la Shqipërinë jashtë Europës! Sepse në vend të së vërtetës dhe të Europës, Edi Rama zgjodhi Saimir Tahirin, Fatmir Xhafajn, Taulant Ballën, bashkëqeverisjen me krimin dhe drogën, duke tradhtuar interesat e shqiptarëve. Me Edi Ramën Kryeministër, dyert e Europës do të vazhdojnë të jenë të mbyllura edhe qershorin tjetër. Edhe për faktin se për të fshehur një vrasje mafioze, Edi Rama ka marrë publikisht rolin e Kryeprokurorit, duke paracaktuar se vrasja mafioze ishte vetëvrasje me 3 plumba”, deklaroi nënkryetari i PD.