Tentuan të korruptojnë policët, arrestohen 2 shoferë
Dy u konstatuan të dehur, tjetri me targa të modifikuara
Tre drejtues automjetesh janë arrestuar nga Policia e Tiranës, pasi kanë tentuar të korruptojnë efektivët e Qarkullimit Rrugor, të cilët i kanë konstatuar në shkelje.
Dy prej shoferëve të arrestuar kanë rezultuar të dehur dhe u kanë ofruar para policëve e një tjetër me targa të automjetit të modifikuara. Policia e kryeqytetit njoftoi dje se në rrugën “Xhorxh Bush” u verifikua dhe u arrestua në kushtet e flagrancës për veprën penale të korrupsionit aktiv ndaj personave që ushtrojnë funksione publike dhe drejtim i mjetit në mënyre të parregullt, shtetasi me iniciale E. A., 28 vjeç. Ky person ka rezultuar se drejtonte mjetin nën efektin e alkoolit në masën 0.52 mg/ l dhe gjatë kontrollit policor me qëllim shmangien e pe- nalizimit, ai i ofroi punonjësit të Policisë Rrugore një kartëmonedhë me prerje 1000 lekëshe. Në rrugën “Konferenca e Pezës” u verifikua dhe u arrestua në kushtet e flagrancës për të njëjtën vepër penale, shtetasi me iniciale A. B., 36 vjeç, pasi drejtonte mjetin me targë të modifikuar dhe me qëllim shmangien e penalizimit, i ofroi punonjësit të Policisë Rrugore një kartëmonedhë me prerje 2000 lekëshe. Në rrugën “Abdi Toptani”, u verifikua dhe u arrestua po ashtu shtetasi me iniciale A. S., 25 vjeç, pasi nuk iu bind shenjës për të ndaluar, shkeli semaforin dhe rezultoi nën efektin e alkoolit në masën 0.65 mg/ l. Me qëllim shmangien e penalizmit, iu ofroi punonjësve të Policisë një shumë prej 3000 lekësh. PLANI OPERACIONAL Në vijim të kontrolleve
DREJTUES
automjetesh janë arrestuar gjatë fundjavës nga shërbimet e Policisë Rrugore të Tiranës, nga të cilët 7 për drejtim mjeti në gjendje të dehur, 5 për drejtim mjeti pa leje drejtimi dhe 3 të tjerë për korrupsion aktiv ndaj personave që ushtrojnë funksione publike parandaluese dhe mbi bazën e detyrave të përcaktuara në Planin Operacional “Tispol”, efektivët e Policisë Rrugore Tiranë, këtë fundjave u fokusuan te kontrolli i kombinuar i shpejtësisë në rrugët interurbane dhe urbane, kontrollin e nivelit të përdorimit të alkoolit nga drejtuesit e mjeteve, si dhe në kontrollet e mjeteve që rezultojnë debitore. Në funksion të këtyre kontrolleve përgjatë fundjavës janë arrestuar në kushtet e flagrancës 15 shtetas, nga të cilët 7 për drejtim mjeti në gjendje të dehur, 5 për drejtim mjeti pa leje drejtimi dhe 3 persona për korrupsion aktiv ndaj personave që ushtrojnë funksione publike. Janë pezulluar 40 leje drejtimi për shpejtësi mbi normat e lejuara dhe 26 për drejtim mjeti nën efektin e alkoolit. Janë ndaluar administrativisht 105 mjete, të cilat rezultuan me detyrime të pashlyera dhe janë vendosur gjithsej 1200 gjoba për shkelje të tjera të Kodit Rrugor.