Meksikë, përfundon votimi pas fushatës më të përgjakshme
Në Meksikë është votuar të dielën për Presidentin dhe Parlamentin, në një fushatë të mbushur me dhunë dhe vrasje. Dhjetëra kandidatë për deputetë apo kryetarë bashkie janë ekzekutuar nga banda të lidhura me tregtinë dhe kultivimin e drogës. Sondazhet kanë treguar se i favorizuar për President është Andres Manuel Lopez Obrador, një ish- kryetar bashkie në Meksiko Siti, i cili pritet të mbajë një frymë më nacionaliste në presidencë, pasi ka bërë thirrje për bashkimin e vendit. Lopez Obrador, 64 vjeç, do të ishte Presidenti i parë i majtë në Meksikë prej shumë dekadash. Zgjedhjet përfunduan të dielën, por fushata në Meksikë, vendi me ekonominë e dytë më të madhe ne Amerikën Latine, ka qenë e tmerrshme. Shumë kandidatë janë tërhequr nga gara për shkak të kërcënimeve dhe shumë të tjerë janë ekzekutu- ar. Një prej tyre ishte Fernando Puron, kandidat i Partisë Revolucionare Institucionale ( PRI), i cili u ekzekutua ndërsa po bunet një ‘ selfie’ me disa simpatizantë të tij. Puron ishte vetëm një nga 136 politikanët që janë vrarë që prej fillimit të shpalljes së kandidaturave elektorale, sipas “Etellekt”. Kjo ishte fushata më e përgjakshme për zgjedhjet e përgjithshme, që ka njohur Meksika. Kriminelët përpiqen të kontrollojnë pushtetet politike dhe lokale për të ruajtur ose zgjeruar territorin e tyre dhe që të kenë akses në burimet publike, sipas ekspertëve. Dhuna politike elektorale është pjesë e një vale dhune të përgjithshme, që ka prekur gjithë Meksikën. Më shumë se 200,000 persona kanë vdekur që prej vitit 2006, kur qeveria e Felipe Calderon ( 2006- 2012) përdori ushtrinë për të shpërbërë kartelat e drogës.