“Firma që do ndërtojë Teatrin, po pastron paratë e drogës”
Vokshi: Rama ka harruar të llogarisë popullin, s’do e lejojmë
Partia Demokratike ka akuzuar kompaninë që është vetofruar për ndërtimin e Teatrit të ri Kombëtar si kompani, e cila gjatë viteve të fundit ka shërbyer si guaskë për pastrimin e parave të drogës dhe korrupsionit.
Në një dalje për mediat nga selia blu, kryetarja e Komisionit të Kulturës në Kuvend, Albana Vokshi, ka deklaruar se prej disa vitesh kompania “FUSHA ShPK”, përmes pazareve të pista me Kryeministrin Rama, pastron paratë e pista në punë publike. “Votimi antikushtetues i Parlamentit për të shembur Teatrin Kombëtar dhe për të grabitur tokën publike është një akt mafioz, nëpërmjet të cilit Edi Rama dhe kompania ‘ Fusha’ do të ndërtojnë 6 kulla në Qendrën Historike të Tiranës, 3 prej të cilave në territorin e Teatrit. Pastrimi i parave të pista të drogës dhe korrupsionit është arsyeja e vetme për nxitimin e Edi Ramës, për të miratuar brenda 5 ditësh me procedurë të përshpejtuar, në shkelje të rregullores, të 4 ligjeve në fuqi dhe të Kushtetutës një ligj të personalizuar me emrin e kompanisë ‘ Fusha’. Duke përdorur “Fusha ShPK” si kompani guaskë për pastrimin e parave të pista të drogës dhe korrupsionit, fitimi minimal për Edi Ramën nga ky akt mafioz, i paprecedentë në historinë e Parlamentit shqiptar, është jo më pak se 205 mln euro. Pazaret e pista të Ramës me ‘ Fusha ShPK’ nuk filluan sot dhe me këtë projektligj”, tha Vokshi. Deputetja demokrate deklaroi se janë 127 tenderë publikë me vlerë rreth 80 milionë euro që i janë dhënë kompanisë “FUSHA ShPK” në katër vitet e fundit nga Kryeministri Rama. “Në më pak se 4 vjet, kompania ‘ Fusha’ ka marrë 127 tenderë publikë nga Edi Rama, me një vlerë rreth 80 milionë euro. 35 prej tyre, me vlerë 25 milionë euro, ‘ Fusha ShPK’ i ka marrë vetëm brenda dy viteve nga Erion Veliaj, sekseri i Edi Ramës në Bashkinë e Tiranës. Një pjesë e madhe e këtyre tenderëve i janë dhënë ko- mpanisë ‘ Fusha’ pa garë. Nëse do të ishte zbatuar ligji dhe do të kishte fituar kompania me ofertën më të ulët, buxhetit të shtetit do t’i ishin kursyer mbi 6 mln euro. Mjaftueshëm për rikonstruktimin e Teatrit Kombëtar. Historiku i tyre është i pasur, por asnjëherë i hetuar nga organet e drejtësisë së kapur. Pa garë, kompanisë ‘ Fusha ShPK’, i është dhënë ndërtimi i Sheshit ‘ Skënderbej’, parkin- gu nëntokësor te sheshi, që përmbyti veten, Bibliotekën dhe Bashkinë e Tiranës. Pa garë, kompanisë ‘ Fusha’ i është dhënë Bulevardi i Vlorës dhe rikonstruksioni i Ministrisë së Brendshme, e krisur pas tërmetit 5.2 ballësh, të cilit Teatri Kombëtar i mbijetoi. Edi Rama i dha pak muaj më parë me koncesion kompanisë ‘ Fusha’ ndërtimin me 125 milionë euro të hidrocentralit të Kalivaçit, duke rikonfirmuar lidhjen e ngushtë me kompaninë guaskë ku do të pastrojë paratë me ligjin e posaçëm të Teatrit Kombëtar”, theksoi deputetja e PD- së. Vokshi paralajmëroi Kryeministrin Rama se llogaritë e tij duhet t’i bëjë mirë dhe të mos harrojë reagimin popullor. Deputetja e PD- së deklaroi se në ditët në vijim do të paraqesë të tjera fakte lidhur me këtë aferë korruptive dhe se PD do të reagojë për të mos lejuar triumfin e së keqes. “Edi Rama nxjerr jashtë loje Gjykatën Kushtetuese. Edi Rama përdor kompaninë ‘ Fusha ShPK’ për të bërë ofertën e pa- kërkuar. Edi Rama miraton ligjin me procedurë të përshpjetuar. Por Edi Rama ka harruar të llogarisë popullin! Partia Demokratike, opozita, qytetarët, që duan ruajtjen e vlerave kulturore, si pjesë e identitetit tonë europian, qytetarët që duan Tiranën, qytetarët që nuk pranojnë grabitjen dhe qeverisjen nga mafia nuk do të lejojnë triumfin e së keqes! Në ditët në vijim, Partia Demokratike do të publikojë fakte të tjera të rënda të kësaj afere korruptive dhe kriminale, që lidh Edi Ramën, Erion Veliajn dhe kompaninë ‘ Fusha’ me botën e krimit dhe drogës”, tha Vokshi.