Pollo: Qeveria të tërheqë ligjin, shkojmë drejt konfrontimit
Partia Demokratike paralajmëron qeverinë se nëse nuk tërheq ligjin për shembjen e Teatrit, do t'i çojë qytetarët drejt konfrontimit. Në një deklaratë për mediat, kryetari i Komisionit të Integrimit në Kuvend, Genc Pollo, deklaroi se ligji për teatrin po shkel marrëveshjen e Stabilizim Asociimit me BE- në. "Ligji special ' Fusha ShPK' shkel dhe marrëveshjen e Stabilizim- Asociimit midis Bashkimit Europian dhe Shqipërisë, përkatësisht nenin 71 të saj, duke qenë një kontraktim pa garë dhe pa konkurrim të hapur, ligji special ' Fusha ShPK' ka penguar aplikimin e kompanive europiane dhe shqiptare për t'u përzgjedhur për të marrë këtë kontratë. Bashkimi Europian ka të drejtë dhe detyrë të ndërhyjë në raste të tilla për të verifikuar çfarë ka ndodhur. Unë uroj shumë që në një mënyrë ose një tjetër ky ligj special të përfundoj në kosh. Por në rast se dy lalët do të duan t'i shkojmë zullumit deri në fund, ky do të jetë një moment konfrontimi i shoqërisë shqiptare me të keqen, ku kam besimin se e mira do të triumfojë", tha Pollo. Kryetari i Komisionit të Integrimit theksoi se ishte pikërisht shkelja e marrëveshjes së stabilizimit përmes një ligji të veçantë për kompaninë "FUSHA ShPK", që solli edhe arsyen që ky ligj nuk u lejua të kalonte në komisionin e drek i qeverisë dhe kryetari i bashkisë, Lali Edi dhe Lali Eri, shkatërrojnë qendrën e Tiranës, kompleksin e Teatrit Kombëtar me trashëgimi historike qendrore të Shqipërisë si dhe i falin truallin shtetëror kompanisë pranë tyre ' Fusha ShPK'. Nuk shkel vetëm Kushtetutën e Republikës dhe një gjysmë duzine ligjesh në fuqi. Madje, në raste të veçanta BE ka të drejtë të të kërkojë nga qeveria dëmshpërblim, që është i barabartë me të gjithë fitimin e kompanisë, që, në rastin në fjalë, është 200 milionë euro. Për këtë arsye, ligji special ' Fusha ShPK' nuk u lejua të kalonte në Komisionin e Integrimit Europian", deklaroi Pollo. Partia Demokratike prej disa ditësh ka denoncuar ligjin e miratuar nga qeveria për të negociuar me kompaninë "FUSHA ShPK" për ndërtimin e teatrit të ri në gjurmën e atij ekzistues. Sipas PD, kompania private po pastron paratë e drogës.