Rroshi pranon fshehjen e dënimit, përfiton gjykim të shkurtuar
Ish- kreu i Bashkisë së Kavajës, Elvis Rroshi, ka pranuar se e ka fshehur dënimin e tij në Itali në formularin e dekriminalizimit dhe ka përfituar gjykim të shkurtuar. Çështja e tij gjyqësore po zhvillohet në Gjykatën e Tiranës, ndërsa javën që vjen pritet që Prokuroria të japë pretencën për Rroshin. Sipas Prokurorisë së Tiranës,
Elvis Rroshit i është vërtetuar e kundërta e përgjigjes mohuese për dënim për vepra të ndryshme nga ndonjë autoritetet i huaj. Subjekti i ligjit në fjalë ka fshehur përdorimin e disa emrave në të shkuarën e tij të arrestimeve, ndalimeve, dënimeve, dëbimeve, masave të ndryshme sigurie dhe shtrënguese në Itali, Zvicër dhe Gjermani, falsifikim dokumentesh, shqiptare dhe të huaja. Sipas verifikimeve të Prokurorisë, rezultoi se Elvis Rroshi e kishte plotësuar formularin në Tiranë dhe për rrjedhojë, vepra penale e falsifikimit është konsumuar në Tiranë, duke bërë kompetente Gjykatën e Tiranës. Elvis Rroshi akuzohet për kryerjen e veprës penale “Falsifikimi i vulave, stampave apo formularëve”, parashikuar nga neni 190/ 1 i Kodit Penal. “Në datë 09.06.2016 mbi bazën e akteve të ardhura nga Drejtoria e Marrëdhënieve Juridiksionale me Jashtë, Sektori i De- kriminalizimit në Prokurorinë e Përgjithshme, në Prokurorinë e Rrethit Gjyqësor Tiranë është regjistruar Procedimi Penal nr. 4810 nr. 4810, për veprën e mësipërme penale. Elvis Rroshit i është vërtetuar e kundërta e përgjigjes mohuese për dënim për vepra të ndryshme nga ndonjë autoritetet i huaj. Rroshi ka fshehur përdorimin e disa emrave në të shkuarën e tij të arrestimeve, ndalimeve, dënimeve, dëbimeve, masave të ndryshme sigurie dhe shtrënguese në Itali, Zvicër dhe Gjermani, falsifikim dokumentesh, sh- qiptare dhe të huaja”, thuhet në dosjen hetimore. Elvis Rroshi dha dorëheqjen nga kreu i Bashkisë së Kavajës më 31 maj 2016, pas akuzave të shumta nga opozita se ishte i inkriminuar. Përmes një reagimi publik atë ditë, Rroshi shkruante se nuk kishte dijeni që ishte dënuar në Itali, kur ishte vetëm 16 vjeç. Ai ngulte këmbë se nuk ka kryer as edhe një ditë burg. Rroshi ka pretenduar se është dënuar pa pasur dijeni dhe në mungesë. Megjithatë, organet e dekriminalizimit nisën menjëherë verifikimet për këtë rast.