Vendimi, transferohen psikologët brenda QSUT
Zhvendosja e pajustifikuar, mungon motivi zyrtar
Drejtoria e Qendrës Spitalore Universitare “Nënë Tereza” ka gjetur rrugën për t’i vënë në punë psikologët e punësuar pranë shërbimeve të ndryshme.
Si?! Duke u ndërruar vendet. Psikologun e pediatrisë e çon te një shërbim për adultë, atë të psikiatrisë te Urgjenca e me radhë. Bëhet fjalë për gati gjysmën e psikologëve, rreth 13 të tillë, të cilëve u ka ndërruar vendet e punës, me efekte të ndjeshme në pagë e pozicion. Kjo ka ngjallur jo pak pakënaqësi në radhët e tyre, veçanërisht tek ata që kryejnë shërbime për pacientë me nevoja specifike e që kanë hedhur bazat e punës, duke krijuar mjetet e para psikodiagnostike. Por jo vetëm kaq. Një valë e dytë vendndërrimesh është lajmëruar në muajin shtator, ndërsa ata që kanë mbetur po presin në ankth vendin e ri ku do transferohen. Pasi kanë shfrytëzuar të gjitha format, që nga letrat e argumentuara në drejtori, ankesat tek Urdhri i Psikologut, disa prej tyre duket se kanë kthyer sytë nga rruga ligjore.
VENDIMI Të premten e datës 24 maj, specialistët e shëndetit mendor u njohën me vendimin e PSIKOLOGE në QSUT janë përballur me vendimin arbitrar të drejtorisë për të ndryshuar vendin e punës. Bëhet fjalë për gjysmën e stafit aktual, pasi në total janë rreth 28 psikologë në këtë qendër spitalore formës së prerë për t’u transferuar në një tjetër shërbim, po brenda QSUT- së. Dhe kjo duhet të ndodhte ditën tjetër të punës, të hënën. E gjitha kjo në formë arbitrare, pa u konsultuar më parë as me ta apo shefat e shërbimeve. Në shkresën e drejtorisë nuk thuhet përse- ja, ndërsa burime brenda QSUT- së pohojnë se motivacioni i kësaj “shkartisjeje” është “në dobi të performancës së punës”, por pa specifikuar nëse ka diçka që nuk shkon që duhej përmirësuar dhe për më tepër mënyrën se si. Më të prekurit nga kjo situatë janë shërbime të veçanta si psikologu i pediatrisë, psikiatrisë, toksikologjisë, neurologjisë dhe neurokirurgjisë. Që kur janë punësuar, ata kanë patur ob- jektivat e qarta duke kërkuar shërbimin përkatës ku kanë qenë të specializuar. Kështu, nga zyrat e tyre, ata transferoen në pavijone aty ku shërbejnë mjekë e infermierë. Praktikisht, ata rrinë në një stol ngjitur me policin e spitalit, ndërsa më parë detyroheshin të ndanin zyrat me kordinatorë e administratorë, pasi jo të gjithë kanë një ambient ku të presin e trajtojnë pacientët. Fakt është që disa prej psikologëve kanë ndërmarrë kualifikime individuale me kosto të lartë, që tashmë nuk iu vlejnë më. Që prej datës kur ka ardhur shkresa e deri më sot, ata që vazhdojnë punën vëzhgohen e monitorohen disa herë në ditë nga burimet njerëzore, të cilët dalin në terren specifikisht për ta. Kjo, jo vetëm që nuk rrit cilësinë e punës, por ka krijuar një presion dhe diskriminim tek ata specialistë, të cilët kanë thuajse një dekadë shërbim në QSUT. Pakënaqësitë e psikologëve nuk janë vetëm për këtë periudhë. Gjatë pesë viteve të fundit ka patur keqtrajtim dhe keqpërdorim të figurës së psikologut, pasi janë përdorur për të dërguar kartolina mjekëve, për të mbjellë fidanë, si recepsionistë në urgjencë apo çdo lloj nevoje tjetër spitalore. Duke mos ditur se si t’i mobilizojë në punë, drejtoria duket se u ka gjetur diçka me se të merren.