Korrupsioni në burgje, Iljaz Labi dënohet me 5 vjet burgim
Me burg, edhe biznesmenët Kalaja, Laska, Balla dhe Sinani
Gjykata e Krimeve të Rënda ka vendosur të dënojë me 5 vjet burgim ish- zv. drejtorin e Burgjeve, Iljaz Labi, i cili u shpall fajtor për korrupsion.
Trupa gjykuese, e kryesuar nga Ilirjana Olldashi, nuk ia pezulloi vuajtjen e dënimit Labit, i cili ishte edhe bashkëpunëtor i drejtësisë në çështjen kundër ish- drejtorit të Burgjeve Artur Zoto. Kështu, sipas vendimit të lexuar nga kryesuesja, Labi dënohet përfundimisht me 3 vjet burg si bashkim dënimesh dhe ulje te 1/ 3 për shkak të gjykimit të shkurtuar. Ai u shpall fajtor edhe për armëmbajtje pa leje. Më tej, Gjykata vendosi edhe 4 vjet burg për biznesmenët Shemsi Sinani dhe Ylber Kalaja. Gjithashtu, me nga 3 vjet u dënuan Nexhmi Balla dhe Elidjan Laska. Kujtojmë se Prokuroria e Krimeve të Rënda, e përfaqësuar nga prokurorja Elisabeta Imeraj, pati kërkuar 5 vjet burgim për ish- zv. drejtorin e Burgjeve dhe që t’i pezullohej dënimi për shkak se ishte bashkëpunëtor i drejtësisë. E njëjta gjë është kërkuar edhe për biznesmenin Ylber Kalaja.
Sipas dosjes së Prokurorisë së Krimeve të Rënda, shkelja në tenderë është konstatuar në vitin 2016, kur Drejtoria e Burgjeve shpalli një tender të mbyllur për furnizimin me vezë dhe bulmet të institucioneve të vuajtjes së dënimit. Në këtë tender pa shpallje, tre konkurrentët binin dakord mes tyre për fituesin dhe ofertat. Kësh- MILIONE lekë është shuma, për të cilën akuzohet se ka marrë Artur Zoto në këmbim të tenderit të furnizimit të burgjeve me vezë dhe bulmet në vitin 2016. Këto para i janë dorëzuar në zyrë nga Iljaz Labi, sipas dëshmisë së këtij të fundit, i cili thotë se nuk ka marrë asgjë mbrapsht. tu ndodhi edhe në këtë rast, ku fituesi ishte paracaktuar. Konkretisht, administratorët e kompanive “Dogel”, “Vllaznia”, “M. B. Kurti” dhe “Nelsa”, konkretisht, shtetasit Elidjan Laskaj, Ylber Kalaja, Shemsi Sinani e Nexhmi Balla, bënin marrëveshje për të kryer konkurrim fiktiv në tenderët e zhvilluar nga Drejtoria e Përgjithshme e Burgjeve për furnizimin me ushqime. Nga hetimi ka rezultuar se administratorët takoheshin me njëri- tjetrin dhe binin dakord për pjesëmarrjen në tender, duke shkëmbyer informacionin dhe duke përpiluar dokumentet e pjesëmarrjes në prokurime, në mënyrë të tillë që të fitonte njëri prej tyre, sipas bisedave që ata bënin. Administratorët e këtyre shoqërive paraprakisht përcaktonin edhe se cili prej tyre do të dilte fitues në njërin prokurim apo në secilin lot prokurimi. Shoqëritë, të cilat pranonin të përpilonin dokumentacion për të mos fituar, përfitonin duke lidhur kontrata formale dhe joformale me shoqëritë fituese dhe operonin në cilësinë e nënkontraktorit me njërën nga shoqëritë fituese. Për tenderin në fjalë, të katër personat e dyshuar kanë biseduar për të paguar në mënyrë solidare të paktën një shumë prej 2 milionë le- kësh të reja te zv. drejtori i Përgjithshëm i Burgjeve, Iljaz Labi, me qëllim që ky i fundit t’u krijonte lehtësitë e nevojshme gjatë procedurës së prokurimit. Sipas Prokurorisë, Iljaz Labi ka mbajtur në mënyrë të rregullt kontakte dhe ka zhvilluar takime të vazhdueshme me shtetasit Ylber Kalaja dhe Shemsi Sinani, duke kërkuar prej tyre përfitim për procedurën e prokurimit të datës 31.05.2016, edhe pse kontraktuesi është subjekti “Nelsa”, me administrator shtetasin Nexhmi Balla.