Pakti me Greqinë, Rama ironi për “tradhtarët”, Tsipras: Greqia e fituar me Zonat Ekskluzive
Rama: 12 muaj punë të vështirë për të qenë gati qershorin e ardhshëm
Komisioneri për zgjerimin, Johannes Hahn, tha dje se Komisioni Europian do të nisë nga puna javën e ardhshme, për të përgatitur Shqipërinë për qershorin e 2019 për hapjen e negociatave.
Hahn zhvilloi një konferencë për shtyp me Kryeministrin Rama pas takimit që zhvilluan së bashku. “Tashmë kemi një rrugë të qartë që të drejton në hapjen e negociatave të integrimit midis BE- së dhe Shqipërisë, në qershor të vitit 2019. Ndërkohë, procesi i reformave duhet të vijojë me një ritëm të shpejtë, ashtu siç ka ndodhur deri më tani. Mendoj që është e rëndësishme të nënvizoj se jemi tanimë në fillim të një pune të rëndësishme dhe do të jem në Tiranë të enjten e ardhshme për të nisur punën përgatitore për këtë. Kjo është një ambicie sfiduese, një punë gjithëpërfshirëse, në të cilën duhet të shohim në të gjitha drejtimet që përfshihen në 35 kapitujt. Kështu, procesi screening është i detyrueshëm, duhet bërë dhe nga cilësia e punës, varet ritmi me të cilin do të ecin negociatat më tutje. Mendoj se gjithçka që do të bëhet në muajt në vazhdim është e rëndësishme për cilësinë dhe shpejtësinë e diskutimeve në vijim”, tha komisioneri Hahn. Sipas tij, puna do të nisë menjëherë mes ekipeve të Brukselit dhe qeverisë shqiptare. “Kjo është ajo që ramë dakord, që ekipet tona duhet të fillojnë punën menjëherë, edhe përpara pushimeve të verës, për të punuar mbi të gjitha këto drejtime, në mënyrë që të garantohet një analizë e qartë dhe e plotë mbi situatën”, u shpreh Hahn. Ai vlerësoi rëndësinë e këtij procesi, duke kërkuar dhe kontributin e opozitës. “Kështu, do të mbërrij në Tiranë të enjten e ardhshme, për të biseduar për ato hapa të mëtejshëm që Komisioni synon të ndërmarrë me këtë qëllim. Ndaj, pres me padurim të flas për detaje të tjera javën e ardhshme në Tiranë, duke u takuar siç thashë, përsëri me Kryeministrin, qeverinë, figura të rëndësishme të administratës, por gjithashtu, nëse do të ketë kohë, do të përpiqemi të flasim edhe me opozitën. Sepse edhe një herë, flasim për një objektiv kombëtar, që ka nevojë për mbështetjen e të gjithëve në shoqëri, në mënyrë që të përmbushen synimet që ndahen nga të gjithë shqiptarët. Bëhet fjalë për një qëllim të fortë, të qartë, ku të gjitha sferat e shoqërisë bëhen bashkë”, tha komisioneri Hahn.
KRYEMINISTRI
Kreu i qeverisë siguroi komisionerin për Zgjerimin, i cili do të ndjekë nga afër fazën përgatitore të analizës së hollësishme të përputhsh- mërisë së legjislacionit shqiptar me atë të BE- së, se 12 muajt në vijim do të jenë shumë bashkëpunues për qeverinë shqiptare. “Ishte një kënaqësi e veçantë të takohem me ju pas vendimit të Këshillit dhe për të diskutuar së bashku për të vënë në lëvizje të gjithë procesin e përgatitjes, procesin analitik, që do të nisë menjëherë. Jam shumë mirënjohës që ju do të vizitoni Tiranën në ditët e ardhshme, për të filluar dhe praktikisht t’i kthejmë këto 12 muaj në 12 muaj të një pune të vështirë, për të qenë absolutisht gati kur negociatat të fillojnë formalisht dhe të bëjmë pikërisht atë që ju thatë, të fitojmë më shumë kohë duke u përgatitur më mirë”, tha Kryeministri Rama gjatë konferencës së përbashkët për shtyp. Duke vlerësuar rekomandimin e Komisionit Europian për hapjen e negociatave me Shqipërinë, kreu i qeverisë shqiptare tha se kjo fazë përgatitore do të shërbejë dhe për skeptikët ndaj këtij rekoman- dimi që të sqarojnë opinionin e tyre publik. “Unë dua gjithashtu të nënvizoj se ky ishte vërtet një miratim shumë i rëndësishëm, për ne, i rekomandimit të bërë nga Komisioni, por jo vetëm kaq, ishte shumë e rëndësishme për ne të shikonim 25 vende të luftonin së bashku për të njohur arritjet e Shqipërisë dhe në të njëjtën kohë, të shikonim në fund që edhe ata që ishin më ngurrues, të bashkohen dhe praktikisht të dalin me një kompromis të mirë, kështu duke siguruar që ne të mos humbim asnjë minutë e në të njëjtën kohë, edhe ata të mund të merren në një mënyrë më të arsyeshme me opinionin publik në vendet e tyre”, u shpreh Rama.