Ministria e Brendshme: Shqipëria, jo më në listën e kultivimit të kanabisit
Reagimi pas publikimit të raportit vjetor të Antidrogës italiane: Betejën e fituar me drogën në 2017- ën, do ta vazhdojmë
Ndërsa premton se beteja e fituar me drogën në vitin 2017 do të vazhdojë dhe do të konsolidohet edhe në vitet në vazhdim. “Shqipëria nuk është më në listën e vendeve që kultivojnë kanabis, e konfirmuar nga raporti i monitorimit ajror të Guardia di Finanza- s italiane, në fundvitin e kaluar. Kjo është një betejë e fituar në vitin 2017 dhe po konsolidohet në vitin në vazhdim, kur jemi në zbatim të protokollit operativ për fluturimet ajrore, duke monitoruar territorin me Policinë italiane dhe asistencën e BE- së”, deklaroi dje Ministria e Brendshme. Në reagim theksohet se, siç është pranuar, viti 2016 ishte një vit problematik për shumë arsye, që janë bërë pjesë e analizës së punës së Ministrisë së Brendshme dhe Policisë së Shtetit dhe nuk rezultoi efikas në parandalimin e kultivimit të kanabisit. Por sipas ministrisë, gjithsesi nuk mund të krahasohet me përmasat shqetësuese të fenomenit përpara vitit 2013, e evidentuar në raportet e Guardia di Finanza- s. “Kjo solli një sasi të konsiderueshme të lëndës narkotike të gatshme për treg në vitin pasardhës”, thuhet në reagim. Nga ana tjetër, theksohet se në vijim të një analize të thellë dhe të kujdesshme, Qeveria miratoi Planin Kombëtar Antikanabis 2017- 2020, me përfshirjen e gjithë institucioneve dhe asistencë ndërkombëtare. Në zbatim të këtij plani, Policia e Shtetit ka rritur bashkëpunimin me partnerët, kryesisht me Italinë në operacione të përbashkëta për të identifikuar dhe goditur rastet e trafikimit të narkotikëve.
RAPORTI “Duke u ndalur te raporti i Antidrogës italiane ( DCSA), ( faqja 35), shifra prej rreth 90 tonësh kanabis evidentohet si e sekuestruar përgjatë gjithë 2017 në gjithë territorin kombëtar italian dhe jo si sasi e trafikuar nga Shqipëria. ( cit. - Nel 2017, sul territorio nazionale sono stati complessivamente sequestrati kg 90.097,18 di marijuana (+ 117,76%, rispetto ai 41.374,29 kg del 2016), dhe për më tepër, sipas vetë raportit, një rol domethënës luan edhe kultivimi i brendshëm në Itali, sidomos në rajonet e Jugut ( faqja 16)”, deklaron Ministria e Brendshme. Sipas raportit, në
TONE
kanabis janë prodhuar vetëm në Lazarat, në një sipërfaqe prej 319 hektarësh, që kapte vlerën e 4.5 miliardë eurove, deri në vitin 2013, shifër që është bërë publike në gusht të atij viti nga komandanti i aviacionit të Guardia di Finanza- s, Stefano Bostani faqen 36 të tij, sasia e kanabisit e kapur në tentativë për trafikim nga Shqipëria është rreth 15 tonë. “Në lidhje me vendet e paramenduara të prejardhjes së marijuanës së përcjellë nëpërmjet detit, sasitë më të mëdha vinin nga Shqipëria, i cili konfirmohet të jetë vendi i origjinës për pjesën më të madhe të sasive të kapura, prej 15.805,42 kg”, thuhet në raport. Ministria e Brendshme thekson se këto sasi të kapura janë fryt edhe i shkëmbimit të informacionit dhe operacioneve të përbashkëta mes Policisë italiane dhe Policisë së Shtetit, ku përgjatë vitit 2017 u realizuan 14 operacione të tilla. Në raport theksohet qartë se sasitë më të mëdha të kanabisit u tentuan të trafikoheshin nga Shqipëria, por edhe nga Greqia. Gjithashtu, evidentohet se kanabis në 2016- ën është kultivuar jo vetëm në Shqipëri, por edhe disa vende të tjera të Ballkanit.