Rama: Bypass- i i Tepelenës shkurton me 11 kilometra rrugën në boshtin e Jugut
“Së shpejti finalizojmë kontratën për aeroportin e Kukësit. Gati kontrata për aeroportin e Vlorës, po vlerësojmë dhe Sarandën”
Kryeministri Rama e cilësoi projekt strategjik ndërtimin e bypass- it të Tepelenës. I pranishëm në ceremoninë e nisjes së punimeve për këtë bypass, kreu i qeverisë tha se përfitimet nga ndërtimi i tij janë të shumta.
“Finalizojmë një punë të nisur prej disa kohësh dhe çelim një kantier me një rëndësi strategjike për të gjithë aksin kombëtar, nga Fieri në Gjirokastër e Kakavijë, por edhe me rëndësi strategjike për zhvillimin e mëtejshëm të Tepelenës, ku siç mund ta dëshmojnë lehtësisht banorët, por edhe vizitorët, është në një proces transformimi rrënjësor të potencialeve të veta të jashtëzakonshme, në burim zhvillimi ekonomik dhe social pas dekadave të tëra harrese e braktisje, ku askush nuk donte të ndalonte në Tepelenë e gjithkush donte të ikte nga Tepelena”, theksoi Kryeministri. Rama bëri të ditur se bypass- i i Tepelenës, për të cilin çelet sot kantieri i punimeve, ishte një vepër e premtuar për dekada të tëra dhe pjesë e historisë së trishtueshme të bypass- eve, e cila mjafton për të ilustruar më së miri se sa shumë kohë, energji e para janë humbur më kot për vite të tëra në përpjekjen e dështuar për të ndërtuar bypass- et.” Bypass- i i Tepelenës ka një plan fillestar të vitit 1988, i cili parashikonte kalimin në anën e djathtë të lumit të Drinos dhe Vjosës, një zgjidhje që jo vetëm shkurtonte me 11 km të ashtuquajturin bosht të Jugut, por shmangte edhe të gjithë rrezikshmërinë e gjurmës aktuale, që është e ekspozuar ndaj shkarjeve e sjell hera- herës bllokime me rrezik për jetën e atyre që përdorin këtë segment”, theksoi kreu i qeverisë. Ai akuzoi qeverinë paraardhëse se nuk e vlerësoi studimin e qëndrueshëm për bypass- in e Tepelenës, duke ndërtuar një aks të rrezikshëm për udhëtarët. “Por, pavarësisht se studimi ishte shumë i qartë, qeveria paraardhëse, ajo që mori përsipër të gjitha rrugët e të gjitha i la rrugëve, e injoroi atë studim dhe ndërtoi një aks pikërisht aty ku nuk duhej të ndërtohej”, tha Rama. Sipas tij, me projektin që nisi dje, eliminohen pikat e nxehta që shkaktonin aksidente dhe rrezikonin jetë. “Projekti është realizuar dhe praktikisht, vrima e zezë ku shkarkohen të gjitha flukset nga Levani dhe pastaj Gjirokastër e Kakavijë pa asnjë standard, që ngadalëson qarkullimin e është vazhdimisht e rrezikshme, do të eliminohet”, u shpreh Kryeministri.
AEROPORTET
KM
e shkurton bypass- i i Tepelenës rrugën e boshtit të Jugut dhe shmang gjithë rrezikshmërinë e gjurmës aktuale, që është e ekspozuar ndaj shkarjeve dhe bllokimeve
Kryeministri foli dje dhe për një aeroport të ri që do t’i shërbejë vetëm turizmit. “Jemi në proces dhe së shpejti do të finalizojmë edhe kontratën për të çelur aeroportin e Kukësit. Po ashtu, jemi në proces dhe së shpejti finalizohet kontrata për të ndërtuar aeroportin e ri ndërkombëtar të Vlorës. Kemi nisur procesin për të bërë vlerësimet e nevojshme për të ndërtuar aeroportin turistik të Sarandës”, tha kreu i qeverisë.
AGROTURIZMI “Kjo rrugë kështu siç është konceptuar,- vijoi Kryeministri,- merr parasysh edhe nevojat për zhvillimin afatgjatë të Tepelenës dhe të gjithë qarkut, duke garantuar hyrje dhe dalje të përshtatshme, qoftë në qytetet apo edhe në zonat rurale bashkëngjitur.” Falë këtij bypass- i do të realizohet një lidhje më e lehtë dhe e sigurt, jo vetëm me qendrën urbane, por edhe me 13 fshatrat e përzgjedhura, pjesë e programit kombëtar të rilindjes rurale, që ka në boshtin e vet projektin e ‘ 100 fshatrave’”, deklaroi Rama. Por edhe bregdeti do të jetë më afër falë këtij investimi. “Ministri përmendi edhe impaktin e investimeve në infrastrukturë për Përmetin, po ashtu janë edhe të tjera projekte me impakt të rëndësishëm në këtë qark dhe në Qarkun e Vlorës. Përmend Qarkun e Vlorës, sepse një nga rrugët e reja që do të ndërtohen, është rruga që do të lidhë Tepelenën me bregdetin nga Gusmari në Kuç. Projekt, që e kemi tanimë detajuar dhe që do ta kthejmë në realitet në këtë periudhë të mandatit tonë të dytë”, tha Rama.