Trump takohet sot me Putin në Helsinki
Samiti nis pa ndihmësit, flitet edhe për ndërhyrjen në zgjedhje
Presidenti Trump është shprehur se ka pritshmëri të ulëta për bisedimet me Vladimir Putin, të cilat mbahen sot në Helsinki të Finlandës. Trump parashikoi se nga takimi nuk do të dalë asgjë e keqe dhe ndoshta disa të mira. Mes temave të samitit do të jenë edhe pakësimi i armëve bërthamore, lufta në Siri ( ku Uashingtoni dhe Moska mbështesin palë kundërshtare), por edhe ndërhyrjet e Rusisë në zgjedhje, një dyshim i autoriteteve të inteligjencës në SHBA që e ka “persekutuar” Trump- in që kur nisi presidencën e tij në fillim të vitit 2017. Hetimi për ndërhyrjen e Rusisë në zgjedhjet amerikane është një çështje që e ndërlikon takimin mes dy udhëheqësve. Të premten, Departamenti i Drejtësisë në SHBA njoftoi ngritjen e akuzave për 12 zyrtarë rusë të shërbimit ushtarak të zbulimit për ndërhyrje në zgjedhjet presidenciale të Sh- teteve të Bashkuara. “Patjetër që kam për ta ngritur këtë çështje në takim”, tha Trump. Por, ai gjithashtu shtoi se turp për rrjedhjen e e- maileve nga Konventa Kombëtare demokrate duhej t’u vijë demokratëve, për korrespondencat e tyre. Deklaratat e Trump në lidhje më këtë çështje kanë qenë hera- herës kontradiktore. Fillimisht ai ka thënë se ndërhyrjen në zgjedhje mund ta ketë bërë Rusia, më pas ka thënë se ai e beson Presidentin Putin kur thotë se nuk ka gisht në ndërhyrjen në zgjedhje. Më pas e vlerëson atë si lider dhe për çdo hap armiqësor që ka hedhur Rusia në arenën ndërkombëtare ai nuk fajëson rusët, por administratën e mëparshme amerikane. Trump dhe Putin, para bisedimeve ku do të përfshihen edhe ndihmësit e tyre, do të takohen kokë më kokë për 30 minuta apo një orë, vetëm me përkthyesit.