Nis aplikimi për Shkollën e Policisë, kriteret e reja
Afati i fundit i aplikimit, 20 korriku, përzgjidhen 50 fitues
Policia e Shtetit ka njoftuar ditën e djeshme hapjen e aplikimeve për ndjekjen e studimeve në Akademinë e Sigurisë për 150 vende për Patrullë të Përgjithshme.
Sipas njoftimit të Policisë së Shtetit, afati i aplikimeve do të jetë 20 korriku dhe aplikantët do të duhet të tërheqin formularë të posaçëm për të aplikuar. Kështu, aplikimet bëhen pranë Drejtorive Vendore të Policisë, aty ku edhe aplikanti banon.
Procesi i aplikimit është i hapur deri në 20 shtator 2018 dhe formularët e aplikimit mund të tërhiqen pranë çdo Drejtorie Vendore të Policisë. Në përfundim të të gjithë procesit të konkurrimit do të përzgjidhen 150 kandidatë fitues, të cilët do të vazhdojnë Shkollën Bazë të Policisë, nga të cilët 19 % për gjininë më pak të përfaqësuar dhe 1.9% për minoritetet. Kur nuk plotësohet kuota e përcaktuar për gjininë më pak të përfaqësuar dhe minoritetet, do të merren në rend zbritës aplikantët, të cilët përfaqësojnë po këto kategori, por që duhet të kenë arritur minimumin e pikëve për t’u shpallur fitues.
KRITERET Policia e Shtetit rendit tetë kritere kryesore, që aplikantët duhet të kenë për të aplikuar. Së pari, aplikanti duhet të jetë shtetas shqiptar, të mos jetë i përjash- tuar nga Policia e Shtetit, apo të mos jetë larguar nga shërbimi civil, të ketë zotësi të plotë për të vepruar, të jetë në gjendje të mirë shëndetësore dhe i aftë fizikisht për të kryer detyrën, të ketë mbaruar arsimin e mesëm, të mos jetë i dënuar me vendim gjykate të formës së prerë për kryerjen e një krimi ose kundërvajtje penale me dashje, të jetë i pajisur me vërtetim besueshmërie dhe të ketë dëshmi të aftësisë së drejtimit të automjetit të tipit “B”. DOKUMENTACIONI Aplikantët për punonjës policie duhet të paraqesin dokumentacionin e mëposhtëm si në vazhdim: formularin e aplikimit; fotokopje të kartës së identitetit; dokument zyrtar që vërteton përfundimin e arsimit; fotokopje të dëshmisë së aftësisë së drejtimit të automjetit të tip- it “B”; certifikatë të gjendjes gjyqësore; vërtetim nga Gjykata; vërtetim nga Prokuroria; raport mjeko- ligjor; fotokopje të librezës së punës ose vërtetim që ndjek arsimin e lartë ( nëse i disponon); dokument të lëshuar nga institucionet shëndetësore, që vërteton se nuk është përdorues i lëndëve narkotike; mandatpagesën e tarifës së aplikimit.
SHQYRTIMI Afati i shqyrtimit dhe verifikimit të dokumentacionit është 10 ditë pune nga mbyllja e afatit të aplikimeve. Aplikanti, që nuk plotëson kriteret dhe nuk ka paraqitur dokumentacionin e kërkuar brenda afatit të aplikimit, skualifikohet duke u njoftuar me shkrim nga struktura e Burimeve Njerëzore. Aplikanti ka të drejtën e ankimit te drejtori i Poli- cisë Vendore brenda 2 ditëve nga data e njoftimit të përgjigjes.
Drejtori i Policisë Vendore shqyrton dhe kthen përgjigje brenda 5 ditëve nga data e marrjes së ankesës.