Protesta për Teatrin, Maks Velo: Garanci jetën time që restaurohet
“Mund të restaurohet shumë mirë me një ekip italo- shqiptar. Unë vë jetën garanci dhe qëndron kështu siç është”
Sheshi “Skënderbej” ka vënë kundër njëri- tjetrit pjesëmarrësit në protestën për mbrojtjen e godinës së Teatrit Kombëtar.
Ka qenë arkitekti Maks Velo, i cili ka kundërshtuar pedagogun Ervin Goci, i cili u propozoi të pranishmëve të shihnin një dokumentar mbi sheshin “Skënderbej”. Duke cituar të intervistuarit në reportazh, Goci tha se “Sheshi shihet si infrastrukturë që mund të prekë institucionet dhe t’i ndryshojë ato. Sheshi legjitimon ndryshimin e ndërtesave përreth. Ky shesh i hap rrugë kullave në Tiranë”, tha ai.
Velo i kërkoi të mos i iket problemit dhe të fokusohen te Teatri, që, sipas tij, është i restaurueshëm dhe për këtë, ai mund të garantojë edhe me jetën e vet. Ai shpjegoi arsyet se përse u zgjodh të ndërtohej ai shesh. “Ky diskutimi yt ishte shumë i gjerë. Përse nuk i shkruan këto. Sepse kapitalizmi ky është. Por ne kemi ardhur këtu të mbrojmë teatrin, sepse kam frikë, se kështu siç po na e bën ti, do na e nxjerrësh teatrin jashtë fare. Kemi ardhur për teatrin. Kishte një artikull Çipi për Teatrin në Poloni dhe një tjetër për dekretin e Presidentit të Turqisë për mbylljen e teatrit. Mendoj se këto janë tema që na interesojnë. Nëse futesh tek Sheshi, te kulla, janë diskutime shumë të vështira urbanistike, arkitektonike. Unë isha në jurinë e Sheshit, kam bërë dhe një libër. A duhej bërë ky shesh apo jo ëhstë e vështirë ta thuash, sepse kishte dy variante: ose do kalonin makinat e s’do kalonin njerëzit, ose do kalonin njerëzit e s’do kalonin makinat. Kjo ishte”. Tha Velo. Pikërisht këtu u ndërpre nga të pranishmit, të cilët filluan të bërtasin një zëri, çka e irritoi arkitektin. “Ti me çantë më je qepur, ik më ler rehat dreqin”. Mes shumë zhurmë, Velo rimori: “U zgjodh ky variant se aty takoheshin 8 rrugë dhe ishte e pamundur organizimi. Edhe pse janë bërë projektet në kohën e Partisë së Punës, madje kam marrë pjesë në një nga ato variantet. Sa herë bëhej një godinë zmadhohej sheshi. Pas ndërtimit të pallatit të Kulturës dhe Muzeut, u bë një shesh gjigant, që nuk menaxhohej dot. Janë bërë 45 variante, vër shatërvan, hiq shatërvan, vër Enver Hoxhën, hiq Enver Hoxhën dhe asnjëherë nuk u rregullua. Është problematik. Të mos futemi në këto gjëra të vështira”, tha ai.
“Unë mendoj se sheshi, kullat, Tirana, ka nevojë për këtë Teatër. Ne duam të mbrojmë Teatrin, mos u fut në 1000 probleme të Teatrit. Mund të restaurohet shumë mirë me një ekip italo- shqiptar. Unë vë jetën garanci dhe qëndron kështu siç është. Nuk mund të flasim ne për të gjitha problemet e Tiranës, se nuk zgjidhim kështu asgjë”, tha Velo, i cili edhe më herët është “përplasur” me qytetarë apo edhe me për- faqësues të Partisë Demokratike, që kanë marrë pjesë në protestë. Një ndër të pranishmit që ngriti zërin gjatë fjalës së Velos, ishte edhe avokat Altin Goxhaj, i cili u shpreh se prej vitesh kishte denoncuar aferat për sheshin, por edhe për kullat, se si funksionojnë juritë, që shpallin fitues njëri- tjetrin.
Regjisori Kastriot Çipi i doli në krah arkitektit Velo, pavarësisht se u shpreh se mund të ketë mendime të kundërta me të, por, sipas tij, askush nuk mund t’i ndërpresë fjalën një njeriu, të cilit ia kanë ndërprerë fjalën e lirë me burg. “Jemi këtu për të thënë mendimin tonë, jo për t’u sharë me njëri- tjetrin. Dhe unë kam gjëra që nuk jam dakord me ato që thotë Velo, por nuk pres asnjëherë fjalën. Por Maks Velos jo e jo, se ka qenë dhe një i dënuar në burg dhe i kanë prerë fjalën me burg”, tha Çipi. Sipas tij, sheshi i Teatrit është sheshi i debatit, në të cilin është ftuar të marrë pjesë edhe Kryeministri i vendit Edi Rama, i cili mund flasë për vizionin që ai ka për zhvillimin e qen- drës, për kullat, për teatrin, etj..
Edhe dje, ashtu si për ditë me radhë, Aleanca për Mbrojtjen e Teatrit Kombëtar zhvilloi takimin e radhës në sheshin e TK. Rezistenca në mbrojtje të godinës vazhdon, por tashmë fjalimet e protestuesve nuk fokusohen vetëm te Teatri, por në politikën ndërtimore në përgjithësi, në zhvillimin e qendrës së Tiranës, ndërtimin e kullave, përfitimet e oligarkëve, shkeljet ligjore, etj.. “Duhet të jemi vigjilentë dhe të luftojmë për çdo centimetër”, tha pedagogu Ervin Goci, duke u shprehur se problemi nuk është vetëm Teatri, pasi pas tij vazhdon edhe më tej.
Ne duam të mbrojmë Teatrin, mos u fut në 1000 probleme të Teatrit. Mund të restaurohet shumë mirë me një ekip italo- shqiptar. Unë vë jetën garanci dhe qëndron kështu siç është. Nuk mund të flasim ne për të gjitha problemet e Tiranës, se nuk zgjidhim kështu asgjë