Prokurorja Sevdari drejt rikonfirmimit në detyrë
KPK: I vetmi problem, mosankimimi i vendimit për një ish- zyrtar
Prokurorja e Prokurorisë së Tiranës, Antoneta Sevdari, mund të bëhet subjekti i 16të që kalon me sukses procesin e rivlerësimit. Ajo, ishte ditën e djeshme e pranishme në Komisionin e Pavarur të Kualifikimit, si pjesë e listës prioritare të vetingut, pasi është kandidate për Këshillin e Lartë të Prokurorisë. Sipas KPK- së, Sevdari nuk ka pasur probleme me pasurinë, por komisioni është ndalur më shumë në aftësitë profesionale të prokurores. Bëhet fjalë për një hetim të kryer nga prokurorja për një ishzyrtar me inicialet G. D., që ka refuzuar të deklarojë pasurinë. Sevdari ka ndjekur çështjen në vitin 2016 dhe ka kërkuar 4 muaj burg, mirëpo Gjykata e Tiranës ka vendosur që të pushojë çështjen ndaj tij. “Subjekti i rivlerësimit ka kryer veprimet e duhura hetimore dhe e ka çuar çështjen për gjykim. Ajo ka kërkuar deklarimin fajtor të të pandehurit dhe dënimin e tij me 4 muaj burg,” tha relatorja Sanxhaktari. Sevdari nuk e ka apeluar vendimin në Gjykatën e Apelit dhe pasi ka kaluar afati i ankimimit, ajo ka kërkuar rivendosje në afat të tij. Edhe kjo kërkesë është rrëzuar. Prokurorja Sevdari është mbrojtur në seancë, duke thënë se ajo ka pasur një familjar shumë të sëmurë, për të cilin duhej të kujdesej në atë kohë dhe nuk mundi ta bënte apelimin brenda afateve. “Ka qenë e nevojshme dhe e domosdoshme prej meje që të kujdesesha në atë kohë për një familjar timin, që ishte i sëmurë rëndë. Në momentin që jam njohur me vendimin e zbardhur, kam kërkuar rivendosjen në afat” tha prokurorja. Më pas, relatorja Valbona Saxhaktari ka vijuar me gjetjet e KPK- së përsa i përket pasurisë. Kjo e fundit konsistonte në një truall me sipërfaqe 350 m2. e blerë në vitin 2001 për 700 mijë lekë, një shtëpi banimi e legalizuar në vitin 2013, ku Sevdari dhe bashkëshorti i saj kishin si pjesë takuese 1/ 3, një apartament i blerë për 97.500 euro me kursimet familjare nga paga dhe të ardhurat e bashkëshortit. “Nga verifikimet e kryera nga Komisioni. arritëm në përfundimin se deklarimet e subjektit të rivlerësimit kanë qenë të sakta; ka burime të mjaftueshme financiare të ligjshme; nuk e ka fshehur pasurinë”, tha Sanx- haktari gjatë seancës. Ajo shtoi më tej se dhe Drejtoria e Sigurimit të Informacionit të Klasifikuar ka dorëzuar një raport pozitiv për subjektin e rivlerësimit, duke e konsideruar atë të përshtatshme për vazhdimin e detyrës. Sa i përket aftësive profesionale, sipas relatores Sanxhaktari, Prokuroria e përgjithshme e ka vlerësuar “shumë mirë” performancën e Sevdarit për tri vjet rresht. Prokurorja Sevdari i pranoi gjetjet e Komisionit dhe në fund kërkoi rikonfirmimin në detyrë.