Meta pret Presidenten Kitaroviç: Partneritet strategjik me Kroacinë
PRESIDENTI: QEVERIA DHE OPOZITA TE BASHKEPUNOJNE PER REFORMEN
Kroacia do të mbështesë Shqipërinë në procesin e integrimit, ku besoj se do të mbyllet shumë shpejt. Shqipëria ka një mbështetje teknike dhe politike të fuqishme nga Kroacia në rrugën e saj drejt BE- së
Presidenti i Republikës, Ilir Meta, i vlerësoi marrëdhëniet me Kroacinë dhe tha se po punohet që bashkëpunimi të shkojë në nivelin strategjik.
Kreu i shtetit prit në Presidencë, në një ceremoni shtetërore, Presidenten e Kroacisë, Kolinda Grabar- Kitaroviç, me të cilën zhvilloi edhe një konferencë për mediat. “Me Kroacinë kemi marrëdhënie të shkëlqyera shumëshekullore dhe lidhje të forta historike. Kroacia ka qenë dhe mbetet mbështetëse e fortë e çeljes së negociatave të anëtarësimit të Shqipërisë në Bashkimit Europian. Modeli dhe eksperienca e Kroacisë në Bashkimin Europian është shumë e vyer për ne shqiptarët. Po kështu, si dy vende anëtare në NATO, ne ndajmë vizione dhe interesa të përbashkëta në fushën e sigurisë dhe për këtë kemi një bashkëpunim shumë të mirë dhe të konsiderueshëm e do të vazhdojmë akoma më tej në të gjitha aspektet”, tha Presidenti Meta në fjalën e mbajtur. Presidenti Meta tha gjithashtu, se Shqipëria dhe Kroacia do të forcojnë bashkëpunimin në disa fusha. “Dy vendet tona po punojnë që së shpejti të ngremë nivelin e bashkëpunimit me atë të partneritetit strategjik. Në marrëdhëniet dypalëshe, një vëmendje të veçantë zë bashkëpunimi ekonomik, pasi potencialet e dy vendeve, po ashtu dhe ato rajonale, janë të jashtëzakonshme. Interesat e dy vendeve janë të përbashkëta dhe komplementare, kuadri i përbashkët ligjor na krijon të gjitha mundësitë për bashkëpunim, veçanërisht në fushën e turizmit, energjetikës, infrastrukturës”, tha Meta.
KITAROVIÇ Presidentja e Kroacisë, Kolinda Grabar- Kitaroviç, tha dje se Kroacia do ta mbështesë Shqipërinë në rrugëtimin e saj europian. “Duke njohur influencën që Shqipëria ka në vendet e Europës Juglindore, ne do të krijojmë marrëdhënie strategjike nëpërmjet dy vendeve tona dhe Kroacia do të mbështesë Shqipërinë në procesin e integrimit, ku besoj se do të mbyllet shumë shpejt. Shqipëria ka një mbështetje teknike dhe politike të fuqishme nga Kroacia në rrugën e saj drejt BE- së dhe dëshirojmë që t’ju përgëzojmë për vendimin e Këshillit dhe në këtë drejtim ne jemi gati që të vazhdojmë jo vetëm mbështetjen politike, por çdo gjë që ju keni nevojë në rrugën drejt anëtarësimit në BE”, theksoi Kitaroviç gjatë një konference të përbashkët për mediat me Presidentin e Republikës, Ilir Meta. Presidentja e Kroacisë, Kolinda Grabar Kitaroviç, ngriti shqetësimin e ndotjes së mjedisit, kryesisht ujërave të bregdetit korat. Ajo tha se mjedisi është një nga çështjet më komplekse në procesin e hyrjes në BE. “Çdo vit, rrymat detare nga vendet adriatike fqinje sjellin mbetje në bregdetin kroat. Mjedisi është një nga çështjet më komplekse në procesin e hyrjes në BE dhe Kroacia është gati të ndajë ekspe- riencën e saj, duke përfshirë dhe eksperiencën e përdorimit të fondeve të BE- së. Deti Adriatik është shumë i rëndësishëm për vendet tona, veçanërisht për turizmin, por dhe për ruajtjen e mjedisit. Unë jam shumë e kënaqur me marrëveshjen me PNUD, me asistencën me menaxhimin e ndotjes detare nga kimikatet, vajrat dhe materialet e tjera të rrezikshme”, tha Kitaroviç. Kreu i shtetit kujtoi se marrëdhëniet mes dy vendeve janë forcuar edhe nga prania prej disa shekujsh e shqiptarëve në këtë vend. “Prania e Arbanasve të Zarës prej më shumë se 300 vitesh në Kroaci, por të edhe e një komuniteti të ri shqiptar nga të gjitha trevat, të cilat kanë luftuar dhe shumë prej tyre dhe kanë dhënë jetën për lirinë e Kroacisë, e bëjnë edhe më të fortë këtë miqësi. Albanologu i shquar kroat, Milan Shuflaj ( Milan Šufflay), apo dhe albanologu tjetër i apasionuar, Arbanasi nga Zara, Aleksandar Stipæeviæ, kanë shërbyer si ura lidhëse të jashtëzakonshme midis dy popujve tanë, sepse ata u bënë zëdhënës të besueshëm të historisë së shqiptarëve, duke dhënë një kontribut të jashtëzakonshëm në forcimin dhe të ardhmen e kësaj miqësie. Së bashku me Presidenten Grabar- Kitaroviç, kemi rënë dakord gjithashtu që gjatë Vitit të Skënderbeut, të bëjmë edhe një vizitë të përbashkët në zonën ku banojnë Arbanasit”, u shpreh Presidenti Meta.